Markus 1:21 - Taaz Weru Witu u Nunuwu'en Tombulu

²¹ Si Yesus wo sé pahtuzu'en-Na é mémoikaayola witi Kapernaum. I méikaayomola witu un endo Sabat, si Yesus rengan i nimuntepa witu um walé peraragésan né tou Yahudi a mahtuzu' witu.

Markus 1:21 Iomraidhean Croise

Matius 4:13

Ni Sia mondolé im witi Nazaret a mamento' witi Kapernaum, witi tembir u louz Galilea, witi tana' Zebulon wo Naftali.

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Markus 1:20

Si Yesus é rengan in timawahma ni séra, a séra tumula'umé si ama' néra, si Zebedeus witu u londéi karia né tou pahwaéranna ang kumiit si Yesus.

Markus 1:29

Kaiondolé im witu um walé peraragésan né tou Yahudi, a si Yesus karia ni Yakobus wo ni Yohanes mangé witi walé ni Simon wo ni Andreas.

Markus 1:33

Péléng sé tou witi wanua tua'na itii é nimaréwoké witu ung kauntepala um walé itii.

Markus 1:39

A si Yesus mangé wana péléng am wanua witi Galilea. Ni Sia é mahwoka' u Nuwu' Lé'os wia sé tou wana am walé peraragésan néra wo mahwoho sé sétang simelaz wia sé tou.

Markus 10:1

A si Yesus mangé witi tana' Yudea wo witi tana' leweta u so'so'an Yordan. Sé tou lakez kasii méyé rimimbung limiklik ni Sia. Wo tanu ung kanaramen, ni Sia é mahtuzu' ni séra.

Markus 2:1

Limangkoia woopirana endo, si Yesus mawurima sumaup witi Kapernaum. An ikawoka'ma wia sé tou i ni Sia ém witi walé.

Markus 3:1

A si Yesus mangé sumaup witi walé peraragésan né tou Yahudi. Im witu ém wéwéhan si tou, u lengenna kasaru é lailai.

Markus 6:2

Im witu un endo Sabat, ni Sia rengan i mahtuzu' witi walé peraragésan né tou Yahudi. Lakez sé tou mengusi-ngusingsing in timalingama un ipahkua-Na. Ni séra é mahliligauan, “Wisa ang kata'uan-Namé an tutuzu' kenu? Katulapan apamokala am wia ni Sia kenu? Kura kahuman Sia toro mahwangun a makakompo'en téntu?

Lukas 10:15

Ni kamu in tou witi Kapernaum, ni kamu é mahgenangla im wénéten ni Opo Empung makaz witi kasendukan? Zéi'kan, ni kamu én itumpa witu naraka!”

Lukas 13:10

In endo Sabat si Yesus mahtuzu' witi walé peraragésan né tou Yahudi.

Lukas 4:16

A si Yesus mangé witi Nazaret um wanua-Na. Tanu ung kinanaram-Na in endo Sabat, Sia muntepa witi walé peraragésan né Yahudi a rumendaila i mahbabaca u méipantik witu um Pinantik Lenas.

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”

Kisah Rasul-rasul 17:2

Si Paulus nimuntepa witu um walé peraragésan itii tanu ung kinanaram pemamangunenna. Teluna endo Sabat mahtotondongan ni sia mahsirita karia né tou witu tumoro am wéwéténgan witu um Pinantik Lenas.

Kisah Rasul-rasul 18:4

Sekez in endo Sabat, si Paulus é mengangangé witi walé peraragésan né tou Yahudi, i mahsirita wo menutu' sé tou Yahudi wo sé tou Yunani i ma'éman wia si Yesus.