Markus 1:16 - Taaz Weru Witu u Nunuwu'en Tombulu

¹⁶ I si Yesus mahlampang witi tembir u louz Galilea, ileken-Nama sé zua mahtuari, si Simon wo si Andreas. Ni séra éng karegas i mahlombo' u lolombo' witi louz pahpaan ni séra é melolombo'.

Markus 1:16 Iomraidhean Croise

Matius 10:2

A ngaran né mapulu' wo zua pahtuzu'en-Na itii é: Si kataré é si Simon si pahkuan kangkasii im Petrus wo si Andreas katuarina, si Yakobus wo si Yohanes sé oki' ni Zebedeus,

Markus 3:16

Sé mapulu' wo zua tou tinotoz-Na itii é: Si Simon (si nginaranan-Na im Petrus),

Markus 3:18

si Andreas, si Filipus, si Bartolomeus, si Matius, si Tomas, si Yakobus oki' ni Alfeus, si Tadeus, si Simon si wia sé sana réwok tou Zelot sé mahsaru sé tou Roma,

Lukas 6:14

Sé mapulu' wo zua tou itii é: si Simon si nginaranan-Na kangkasii Petrus, si Andreas tuarina, si Yakobus, si Yohanes, si Filipus, si Bartolomeus,

Yohanes 12:22

A si Filipus makumua tumoro niitu wia si Andreas. A si Andreas wo si Filipus makumua tumoro niitu wia si Yesus.

Yohanes 6:8

Si Andreas, si totoz katuari ni Simon Petrus, si esaané im wia sé pahtuzu'en ni Yesus kimuala wia ni Sia,

Kisah Rasul-rasul 1:13

I ni séra méikaayomola witi Yerusalem, a séra mangé witi pahento'an néra a menéka witu um porés witu un atas um walé itii. Ni séra é: si Petrus, si Yohanes, si Yakobus, si Andreas, si Filipus, si Tomas, si Bartolomeus, si Matius, si Yakobus oki' ni Alfeus, si Simon tou né sana réwok tou Zelot wo si Yudas oki' ni Yakobus.