Lukas 9:51 - Taaz Weru Witu u Nunuwu'en Tombulu

⁵¹ Un oras ni Yesus im wénéten mangé witi kasendukan é lelezokan, a Sia tumotozla i mangé witi Yerusalem.

Lukas 9:51 Iomraidhean Croise

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Lukas 12:50

Wéwéhampé' an zézéha totoz wutez a mapengaling-Ku. Un até-Ku én totoz zézéha sa niitu zéi'kampé' nimamualima.

Lukas 13:22

Tumondongé niitu, si Yesus lumampanga mangé witi Yerusalem. Ni Sia éng kimiita witi wanua tua'na esa mangé witi wanua tua'na walina, witi wanua oki' esa mangé witi wanua oki' walina, karegas niitu ni Sia é mahtuzu' sé tou wana a langkoian-Na.

Lukas 17:11

Si Yesus i mahlampang mangé witi Yerusalem, ni Sia éng kimiita witi susupuan un tana' Samaria wo un tana' Galilea.

Lukas 18:31

Si Yesus tumawahmé sé mapulu' wo zua sé pahtuzu'en-Na, ang kumua wia ni séra, “In tarékan ni kita é sumosozo witi Yerusalem. Im wana, péléng a méipantiko né nabi tumoro si Oki' ni Tou é mamualimo.

Lukas 19:11

Karegaspé' sé tou mahtalinga an ipahkua ni Yesus, a Sia sumirita karia un aandéan pahpaan ni Sia é merétémoma u Yerusalem wo witu ung genang né tou ni séra é mamomilek ung Kakolanoan ni Opo Empung.

Lukas 19:28

I nimakakuamoma niitu, si Yesus mahlampang mahpuuna im wia ni séra i mangé witi Yerusalem.

Lukas 24:51

Karegas Sia i mahwéhé ung kamang wia ni séra, Sia matampasana karia néra a mawénéta mangé witi kasendukan.

Lukas 9:57

Karegas si Yesus wo sé pahtuzu'en-Na mahlampang, wéwéhan si tou kumuala wia si Yesus, “Ni aku éng kumiit ni Ko, wisa uman un angéan-Nu.”

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 16:28

Ni Aku ém wia si Ama' a méyé wo ni Aku é niméyé wia ung kaayahan kenu. Ni Aku kangkasii én tumula'uma ung kaayahan kenu wo mangé wia si Ama'.”

Yohanes 16:5

Taan in tarékan ni Aku é mangémo wia ni Sia si nimatumé ni Aku. Wo zéi'kan siapa zozo' in esa im wia ni kamu si meligau, ‘Wisa un angéan-Nu?’

Yohanes 17:11

In tarékan ni Aku én zéi'mo mauréma mawurimo sumaup wia si Ama'. Ni Aku én tumula'u ung kaayahan, taan ni séra é memia-miapé' wia ung kaayahan. O Ama' Lenas, téizané séra karia u ngaran ni Ama', niitumo u ngaran méiwéhé ni Ama' wia ni Aku, wo séra maesa tanu ni Aku wo si Ama' nimaesa.

Yohanes 6:62

Kura u mamuali sa kamu milek si Oki' ni Tou mawénéta i mawuri witi pinahwéha-wéhan-Na ing kataré?

Kisah Rasul-rasul 1:2

makaz un endo ni Sia i mawénéta nimangé witi kasendukan. Puunala niitu ni Sia é niméhé um perénta mengiité si Roh Lenas wia sé aatu sé pinéléng-Na.

Kisah Rasul-rasul 1:9

Makakuala niitu, witu u sinaru néra, si Yesus mawénéta mangé witi kasendukan, a Sia kaapé'ana u ninahak akaz Sia zéi'mo pahileken nérama.

Efesus 1:20

um pinaké-Na in timoumé sumaup si Kristus im wia sé nimaté. Wo ung kawasa itii kasii u nimangun si Kristus rimumez witu ung kakan ni Opo Empung witi kasendukan.

Filipi 3:14

Ni aku én tanu mahkara' i maayo um papatoroan i makailek ung kukulu, niitu ung katou-touan witi kasendukan. Pahpaan, niitumo ung kalakoan ni kita in tinawah ni Opo Empung mengiité si Kristus Yesus.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 6:20

Si Yesus si kataré-taré nimuntep witu un tampa itii wo nimuka u lalan wia ni kita wo toro muntep witu. Pahpaano niitu, ni Sia é nimaéndomo Walian Wangko' makaz ing kauré-uré mengiit ung katou-touan wo um pakahpaayang ni Melkisedek im puuna.

1 Petrus 3:22

In tarékan si Yesus Kristus é nimangémo witi kasendukan a rumumezla witu u rurumezan totoz pahsigi'en witu ung kakan ni Opo Empung. Wo péléng sé malaekat, péléng sé mahkawasa wo péléng ang kaketezan ém witumo ung kawasa ni Yesus Kristus.