Lukas 9:50 - Taaz Weru Witu u Nunuwu'en Tombulu

⁵⁰ Taan si Yesus mingkotla, kuan-Na, “Tia' pahséro'en niou sia, pahpaan séi si zéi'kan mahsaru ni kamu, ni sia én tou niou.”

Lukas 9:50 Iomraidhean Croise

Matius 12:30

Séi si zéi'kan mahwali-wali karia-Ku, ni sia é mahsaru ni Aku. Wo séi si zéi'kan mahsawang ni Aku i mahréwok sé tou wo séra mahwali-wali karia-Ku, ni sia é mahsera sé tou.

Matius 17:24

I si Yesus wo sé pahtuzu'en-Na méikaayomola witi Kapernaum, a méyé wia si Petrus sé menanagi pajak um Walé ni Opo Empung, ang kumuama, “Apa si Méster niou é mahwaér pajak um Walé ni Opo Empung kaapa zéi'kan?”

Matius 17:26

A mingkotla si Petrus wia si Yesus, “Sé mahwaér pajak é sé tou limepuh umané.” Ang kuan ni Yesus wia ni sia, “Sa téntu, sé tou néra én zéi'kan mahwaér pajak.

Markus 9:38

A si Yohanes kumuala wia si Yesus, “Méster, ni kai é nimileké si tou mahwoho si sétang karia u ngaran ni Méster, a sia séro'en naimé, pahpaan ni sia én zéi'kan esaané im wia ni kita.”

Markus 9:41

Uli-ulit ikua-Kuma wia ni kamu, séi uman si méhéla wia ni kamu un zano elepen zozo' sana eelepan uman pahpaan ni kamu é mahkii-kiit si Kristus, ni sia én zéi'kan kaliongan um wawaér wia ni sia.”

Lukas 11:23

Séi si zéi'kan mahwali-wali karia-Ku, ni sia é mahsaru ni Aku. Wo séi si zéi'kan mahsawang ni Aku i mahréwok sé tou wo séra mahwali-wali karia-Ku, ni sia é mahsera sé tou.”

Lukas 16:13

Si ata esa én zéi'kan mamuali i maayang wia sé zua tuang. Pahpaan sa téntu, si esa é maikazi'zisna wo si walina én iraraaténa. Kaapa ni sia é mahtali-talinga si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

1 Korintus 12:3

Niitumo, ni kamu léwo'zéi' mata'ula i si tou kinawasa ni Roh ni Opo Empung én zéi'kan mamuali ing kumua in téntii, “Si Yesus én toron un epa'.” Wo si tou zéi'kan kinawasa ni Roh ni Opo Empung, si tou itii zéi'kan mamuali ing kumua, “Si Yesus itiimo si Mahpiara.”