Lukas 9:48 - Taaz Weru Witu u Nunuwu'en Tombulu

⁴⁸ ang kuan-Na wia sé pahtuzu'en-Na, “Séi uman si simungkul si koki' tanu si kenu pahpaan ma'éman wia ni Aku, ni sia é simungkul ni Aku. Wo séi uman si simungkul ni Aku, ni sia é simungkul si Opo Empung si nimatumé ni Aku. Séi si zéi'kan ipahréké-rékén im wia ni kamu, ni siamo si totoz ipahpuu-puuna.”

Lukas 9:48 Iomraidhean Croise

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Matius 18:14

Téntu kangkasii si Ama' niou witi kasendukan, kasoo-Na sa si esaané im wia sé koki' kenu ikalulu.”

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Matius 25:40

Si Kolano itii é mingkot wia ni séra in téntii, ‘Uli-ulit ikua-Kuma wia ni kamu, péléng am winangun niouola wia si esaané im wia sé katuari-Ku sé totoz roros kenu, niitu ém winangun niouola wia ni Aku.’

Matius 25:45

Ni Sia é mingkot wia ni séra, ‘Uli-ulit ikua-Kuma wia ni kamu, péléng an zéi'kan winangun niou wia si esaané im wia sé katuari-Ku sé totoz roros kenu, ni kamu kangkasii én zéi'kan nimangun niitu wia ni Aku.’

Markus 9:37

“Séi uman si simungkul si koki' tanu si kenu pahpaan ma'éman ni Aku, ni sia é simungkul ni Aku. Séi uman si simungkul ni Aku, zéi'kan ni Aku si sinungkulna taan ni Sia si nimatumé ni Aku.”

Lukas 10:16

Ang kuan ni Yesus wia sé tou mahkii-kiit ni Sia, “Séi uman si mahtalinga ni kamu, ni sia é mahtalinga ni Aku. Séi uman si soo ni kamu, ni sia é soo ni Aku wo séi uman si soo ni Aku, ni sia é soo wia si nimatumé ni Aku.”

Lukas 14:11

Pahpaan séi uman si mahlooz un touna, ni sia én iroros ni Opo Empung wo séi uman si meroros un touna, ni sia én irakék ni Opo Empung.”

Lukas 22:26

Taan ni kamu én zéi'kan toro mahwangun un tanu niitu. Séi si totoz wangko' im wia ni kamu é maéndomola tanu si totoz kori' wo si tonaas é maéndomola tanu si menenelewir.

Lukas 22:30

Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”

Lukas 7:28

Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.”

Yohanes 13:20

Uli-ulit ikua-Kuma wia ni kamu: Séi uman si simungkul si tou méiatu-Kumé, ni sia é simungkul ni Aku. Wo séi uman si simungkul ni Aku, ni sia kangkasii é simungkul ni Sia si nimatumé ni Aku.”

Yohanes 14:21

Séi uman si nimakailek um perénta-Ku wo mahwangun niitu, ni siamo si rumaraaté ni Aku. Séi uman si rumaraaté ni Aku, ni sia én ikararaaté ni Ama'-Ku wo ni Aku kangkasii é rumaraaté ni sia wo ni Aku é mangun ni sia i mata'u séi ni Aku.”

1 Tesalonika 4:8

Niitumo, séi sé soo an tutuzu' kenu, ni sia én zéi'kan soo an tutuzu' ni tou, taan ni sia é soo si Opo Empung si niméhémomé si Roh Lenas wia ni kamu.

1 Petrus 5:6

Niitumo, irorosla un tou niou im witu ung kawasa-Na un totoz enté', wo im witu un oras tinotoz-Na ni kamu én irakék-Na.

Wahyu 21:14

U ri'riz méiliklik um wanua tua'na itii é méirendai witu u mapulu' wo zua watu to'tolan. Wo wana am wawo am watu to'tolan itii ém pinantikan a ngaran ni esa wo ni esa né mapulu' wo zua aatu ni Anak ni Domba itii.

Wahyu 3:21

Séi si nimuntung, énéang-Ku i marumumez karia-Ku witu u rurumezang-Ku ing Kolano, tanu ni Aku i nimuntungo wo rimumez mahwali-wali karia ni Ama'-Ku witu u rurumezan-Na ing Kolano.