Lukas 9:44 - Taaz Weru Witu u Nunuwu'en Tombulu

⁴⁴ “Talinga nioua wo totoz wéhanla genang un ikua-Kuma kenu, ‘Si Oki' ni Tou é maiayo witu ung kawasa né tou.’ ”

Lukas 9:44 Iomraidhean Croise

Matius 16:21

Rengan in toro niitu, pahpakaulito ni Yesus wia sé pahtuzu'en-Na, i ni Sia é léwo'zéi' i mangé witi Yerusalem. Im wana ni Sia é mazéhan né pahtutu'an né tou Yahudi, né tonaas né walian wo né tou tulap un Torat. Ni Sia ém wunu'en, taan witu un endo katelu ni Sia én itou sumaup ni Opo Empung.

Matius 26:2

“Kata'uan niouo, zuana endomokan é lumé'oso un endo mahpésta pahkuan Paskah, wo si Oki' ni Tou é maiayo i salipen.”

Markus 8:31

A si Yesus rengan i mahtuzu' wia sé pahtuzu'en-Na i si Oki' ni Tou é léwo'zéi' i mazéha wo kasoo né pahtutu'an né tou Yahudi, né tonaas né walian wo né tou tulap un Torat, wo sé tou é munu' ni Sia, taan ni Sia é matou sumaup witu un endo katelu.

Markus 9:31

pahpaan ni Sia éng karegas i mahtuzu' sé pahtuzu'en-Na. Ni Sia kumuala wia ni séra, “Si Oki' ni Tou é maiayo witu ung kawasa né tou, wo ni Sia ém wunu'en néra. Tumondongla niitu, witu un endo katelu ni Sia é matou sumaup.”

Lukas 1:66

Péléng sé timalingama é megena-genang niitu, “Mamuali apa si koki' itii sa matu'amomé?” Pahpaan si Opo Empung é memali-mali kariana.

Lukas 18:31

Si Yesus tumawahmé sé mapulu' wo zua sé pahtuzu'en-Na, ang kumua wia ni séra, “In tarékan ni kita é sumosozo witi Yerusalem. Im wana, péléng a méipantiko né nabi tumoro si Oki' ni Tou é mamualimo.

Lukas 2:19

Taan péléng a sirita itii ém pegena-genangen ni Maria wo pinahtata'una ung kalakoan niitu.

Lukas 2:51

A Sia mawuri witi Nazaret mahwali karia ni ama' wo ni ina'-Na. Ni Sia én totoz mahtali-talinga uman wia sé tu'a-Na. Péléng a nimamuali itii ém pegena-genangen uman ni ina'-Na.

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Lukas 9:22

Tumondongé niitu, kuan ni Yesus, “Si Oki' ni Tou é léwo'zéi' i masaan an zézéha wo kasii kasoo né tu'a-tu'a né Yahudi, né tonaas né walian wo né tou tulap un Torat. Wo ni Sia ém wunu'en taan witu un endo katelu én itou sumaup im wia sé nimaté.”

Yohanes 16:31

Kuan ni Yesus wia ni séra, “Ma'émano kahuman kamu in tarékan?

Yohanes 16:4

Taan péléng niitu én ikua-Kuma wia ni kamu, wo i méyé un oras méikua-Kuma itii, ni kamu é maikagenang i ni Aku éng kimuamola niitu wia ni kamu.” A si Yesus kumua, “Niia én zéi'kan méikua-Ku rengan ing kataré-taré, pahpaan ni Aku é mengari-ngariapé' ni kamu.

Yohanes 19:11

Si Yesus nimingkotla, “Ni ko én zéi'kan siapa kawasa zozo' in esa wia ni Aku, sa ung kawasa itii zéi'kan méiwéhémé ni Opo Empung. Pahpaano niitu, si tou nimayo ni Aku wia ni ko, u singkéla'na é lumouspé'mé u singkéla'mu.”

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.