Lukas 9:42 - Taaz Weru Witu u Nunuwu'en Tombulu

⁴² I si koki' itii rimétéma wia si Yesus, an iwasala ni sétang si koki' itii witu un tana' makaz un touna mengesé-ngeséiokan witu wawo un tana'. A rekakena ni Yesus si sétang itii a malé'osa si koki' itii. Tumondong niitu, an iwéhéla ni Yesus si koki' itii wia si ama'na.

Lukas 9:42 Iomraidhean Croise

Markus 9:20

An ipahwali néramé si koki' itii wia ni Sia. I si sétang itii mileka si Yesus, a si koki' itii rengan i wangunenna ni sétang itii i mengesé-ngeséi, an ikawasala witu un tana' wo mahuli-uliz, karegas niitu u sumahna é mahsewumé.

Lukas 7:15

Si tarétumou nimatémo itii tumoozé, a sia rumumezla, a mahnuwu'. A sia iwéhéla ni Yesus wia si ina'na.

Lukas 9:39

Sa mahkompo-kompo'mé si sétang sumelaza wia ni sia, si koki' itii é mahkérét wo mengesé-ngeséi akaz u sumahna é mahsewu. Si sétang itii én zéi'kan mazéi' i mahzézéha si koki' itii, wo si sétang itii én tawi soomo mondolé im wia si koki' itii.

Lukas 9:41

Ang kuan ni Yesus, “É kamu in tou zéi'kan ma'éman wo méikalulu, makaz sawisa ni Aku i memali-mali karia niou wo mezen wia ni kamu?” Ang kuan ni Yesus wia si ama' itii, “Pahwalimé wia'i si oki'mu itii!”

Lukas 9:43

Péléng sé tou é mengusi-ngusingsing i nimilek ung kawangko'an ung kawasa ni Opo Empung. Im péléng sé tou itii mengusi-ngusingsingpé' pahpaan nimilek am winanguna ni Yesus, kuan-Na wia sé pahtuzu'en-Na,

Yohanes 6:19

Im woo lima kaapa enemna kilométer ung kazou'na um pinanggayuan néra, an ileken nérama si Yesus mahlampangé witu um wawo un zano mahrétémé u londéi sinakéan néra. Ni séra én totoz maindé'.

Kisah Rasul-rasul 9:41

Tionala ni Petrus u lengen ni Tabita a sawangannala sia i rimendaié. An tawahené ni Petrus sé tou ni Mahpiara wo sé wéwéné mahesa-esamokan, an ipapaileknala wia ni séra i si Tabita é nimatoumomé sumaup.

Wahyu 12:12

Niitumo, o kasendukan, mahpaa-paazola, wo ni kamu péléng sé mahento' witu. Taan ikaléwo'la kamu sé wia um wawo un tana' wo sé witi tasik! Pahpaan karia in totoz maupi' si tonaas né sétang én timumpamoma wia ni kamu. Pahpaan un orasna i mahwangun a léwo' én zéi'mo mauréma.”