Lukas 9:39 - Taaz Weru Witu u Nunuwu'en Tombulu

³⁹ Sa mahkompo-kompo'mé si sétang sumelaza wia ni sia, si koki' itii é mahkérét wo mengesé-ngeséi akaz u sumahna é mahsewu. Si sétang itii én zéi'kan mazéi' i mahzézéha si koki' itii, wo si sétang itii én tawi soomo mondolé im wia si koki' itii.

Lukas 9:39 Iomraidhean Croise

Markus 9:18

Sekez si sétang itii kumawasama wia ni sia, si koki' itii én ipahwasalna witu un tana' wo u sumahna é mahsewu, am waangna éng karékétokan wo un touna é mengesé-ngeséi. Ni aku é nimahaléiola wia sé pahtuzu'en ni Méster wo si sétang itii iwoho nérama, taan ni séra én zéi'kan nimakawawama.”

Markus 9:20

An ipahwali néramé si koki' itii wia ni Sia. I si sétang itii mileka si Yesus, a si koki' itii rengan i wangunenna ni sétang itii i mengesé-ngeséi, an ikawasala witu un tana' wo mahuli-uliz, karegas niitu u sumahna é mahsewumé.

Markus 9:26

A si sétang itii mondola karia ing kiméréta wo nimanguna si koki' itii in totoz mengesé-ngeséi. Si koki' itii ém pahileken tanu si tou nimatémo, taka-takazan lakez sé tou mahkua, “Ni sia é nimatémo.”

Lukas 4:35

Taan si Yesus é rimekaka ni sia, “Menesla wo mondola im wia ni sia!” Si tou itii méiwasala ni sétang witu u unez né tou lakez, a sia mondola zéi'kan nimangun si tou itii mendan rumara.

Lukas 8:29

Si tou sinelazan né sétang itii é mahkua in téntu wia si Yesus, pahpaan sé sétang itii é méiwohoma ni Yesus im wia si tou itii. Pahpaan si tou itii sekezé éng kinawasa né sétang, niitumo u lengen wo un a'éna ém pahapusen né tou karia u ranté taan um pahrepesena umana. Si tou itii ém pemamalima né sétang wana an zéi'kan pahento'an né tou.

Lukas 9:38

Si esa im wia sé tou lakez itii é mahnuwu' totoz rimez wia si Yesus, kuana, “Méster, pahaléiengku satoro mailekempé' ndootuumé si oki'ku, ni sia uman si oki'ku!

Lukas 9:40

Pinahaléi'kumo wia sé pahtuzu'en ni Méster i moho si sétang itii, taan ni séra én zéi'kan nimakawawama.”

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.

Wahyu 9:11

Si kolano néra é si malaekat mahtéiz um woso um patéan. U ngaran ni kolano itii im witu u nunuwu'en Ibrani é ‘Abadon’, wo witu u nunuwu'en Yunani é ‘Apolion’, ung kalakoana é ‘Meléléwo'.’