Lukas 9:35 - Taaz Weru Witu u Nunuwu'en Tombulu

³⁵ Im witu u ninahak talingan néramé u nuwu' mahkuamé, “Si kenumo si Oki'-Ku. Ni Sia ém pinéléng-Ku. Pahtalingala Sia!”

Lukas 9:35 Iomraidhean Croise

Matius 12:18

“Si kenumo si Ata si pinéléng-Ku, si kararaaté-Ku wo si kapaaz-Ku. Si Roh-Ku én iwéhé-Ku wia ni Sia wo ni Sia é mapailek an zéi'kan mahsanaweka wia sé tahsasana wanua.

Matius 3:17

An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”

Markus 1:11

An talingané u nuwu' witi kasendukan a méyé, “Ni Komo si Oki'-Ku, si totoz ikararaaté-Ku. Ni Komo si mahwangun ni Aku mahpaa-paaz.”

Lukas 3:22

an tumumpamé witu um wawo-Na si Roh Lenas tanu si bombo. An talingané u nuwu' witi langit, ung kimuamé, “Ni Komo si Oki'-Ku si ikararaaté-Ku, ni Ko si mahwangun un até-Ku i mahpaa-paaz.”

Lukas 9:34

Karegas si Petrus i mahnuwu' an tumumpamé u ninahak a sumaputa ni séra taka-takazan sé pahtuzu'en ni Yesus zéi'mo mata'u milek ni séra. I sé pahtuzu'en-Na nimuntepa witu u ninahak, ni séra éng kinaindé'an.

Yohanes 12:28

Ama', ituzu'mé ung kawangko'an-Nu!” An talingané u nuwu' witi kasendukan a méyé, “Ni Aku én timuzu'mo ung kawangko'an-Ku. Wo ni Aku kasii é matumuzu' ung kawangko'an-Ku sumaup.”

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Ibrani 3:15

Witu um Pinantik Lenas é méipantik in téntii, “In endo kenu, sa kamu tumalinga u nuwu' ni Opo Empung tia' ipahketéh un até niou tanu sé nimaopo niou i mahsaru ni Aku.”

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.