Lukas 9:33 - Taaz Weru Witu u Nunuwu'en Tombulu

³³ I sé tou zua itii mahtutula'umo si Yesus, si Petrus kumuama wia ni Sia, “Méster, totoz makapaazen ni kita im wia an tampa kenu. Ni kai é rumendai un terung telu. Un esa én iwéhé wia si Méster, un esa wia si Musa wo un esa wia si Elia.” Taan zéi'kan kata'uan ni Petrus u méikuanama.

Lukas 9:33 Iomraidhean Croise

Matius 17:14

I si Yesus wo sé pahtuzu'en-Na nimawurima sumaup wia sé tou lakez itii, a méyé wia si Yesus si tou ang kumuruzla i mahsigi',

Matius 17:4

Ang kuan ni Petrus wia si Yesus, “Tuang, totoz makapaazen ni kita im wia'i. Sa si Tuang paaz, ni aku é rumendai un ténda telu im wia'i, un esa én anu ni Tuang, un esa én anu ni Musa wo un esa kasii én anu ni Elia.”

Markus 10:38

Taan kuan ni Yesus wia ni séra, “Zéi'kan kata'uan niou um pahaléien niou. Makawawa wé kamu i mendan an zézéha pendaneng-Ku un tanumokan i melep witu un eelepan u léwo'zéi' in elepeng-Ku wo u sarani u léwo'zéi' ing kailekang-Ku?”

Lukas 5:5

A mingkotla si Simon, “Méster, simanawengi kai ma'ulit i mahpenéro seza' taan ni kai én zéi'kan méikailekla zozo' in esa, taan pahpaan si Méster si nimatu, u lolombo' kenu én ilombo'kukana.”

Lukas 9:34

Karegas si Petrus i mahnuwu' an tumumpamé u ninahak a sumaputa ni séra taka-takazan sé pahtuzu'en ni Yesus zéi'mo mata'u milek ni séra. I sé pahtuzu'en-Na nimuntepa witu u ninahak, ni séra éng kinaindé'an.

Lukas 9:49

Kuan ni Yohanes wia si Yesus, “Méster, niilek nai im wéwéhan si tou nimoho si sétang karia u ngaran ni Méster. Sinéro' nai si tou itii in tia' mahpaké u ngaran ni Méster, pahpaan ni sia én zéi'kan esaané im wia ni kita.”

Yohanes 14:8

Ang kuan ni Filipus wia ni Sia, “Tuang, ituzu'mé wia ni kai si Ama' itii, im wia ni kai niitu én toromo.”

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.