Lukas 9:28 - Taaz Weru Witu u Nunuwu'en Tombulu

²⁸ Woo waluna endomo si Yesus ing kimuama niana, an ipahwali-Nama si Petrus, si Yohanes wo si Yakobus sumosoza mangé witi kentur i mamengaléi.

Lukas 9:28 Iomraidhean Croise

Matius 14:23

I sé tou lakez itii méipekiwuri-Namoma, a si Yesus mengesama i simosoza witu ung kimeleng i mamengaléi. Im wengimo, si Yesus ém witupé' mengesa-ngesa.

Matius 5:1

I si Yesus nimileka sé tou lakez itii mahkiité, a Sia sumosozla witu ung kimeleng. Kairumez-Nala, a méyé sé pahtuzu'en-Na.

Markus 1:35

Im woondopé' lé'os, i mahnana'upé' tou, si Yesus én timoozé a mondola. Ni Sia é nimangé witi tampa zéi'kan siapa tou a mengaléi.

Markus 6:46

Kumawusa niitu, ni séra matampasan karia né tou lakez, a Sia mangé witu ung kimeleng i mamengaléi.

Lukas 3:21

Puunala si Yohanes méiuntep witi bui, ni sia é simaranimola sé tou lakez. I si Yesus sinaraninala wo karegas si Yesus mengaléi a mawukama u langit,

Lukas 5:16

A Sia mangé witi tampa zéi'kan siapa tou i mengaléi.

Lukas 6:12

In toro niitu, si Yesus simosoza witu ung kimeleng i mamengaléi. Im witu ni Sia é simanawengi i mengaléi wia si Opo Empung.

Lukas 8:51

Ikaayola witi walé ni Yairus, zéi'kan iwéhé ni Yesus sé tou i muntep karia-Na. Sé toro muntep karia-Na én akaz uman si Petrus, si Yohanes, si Yakobus wo sé tu'a ni kooki' itii.

Lukas 9:18

Makasamé, i si Yesus uman in esa si mengaléi, a sé pahtuzu'en-Na méyé witu u rété-Na. A Sia meligau wia ni séra, “Sé tou lakez mahkua ni Aku é séi?”

Yohanes 6:3

A si Yesus karia né pahtuzu'en-Na sumosoza witi wawona ung kentur a rumumez witu.

2 Korintus 13:1

Ang kenu éng katelu ni aku i méyé wia ni kamu. Witu um Pinantik Lenas méipantik in téntii, “Sa wéwéhano zua kaapa telu tou sé mahkua tumoro a niilek néra, taré um pahéndo-éndoan toro isampet.”

Ibrani 5:7

Si Yesus i menou-noupé' wia ung kaayahan kenu, karia i mahkérét wo pahlué'an, ni Sia mengaléi wia si Opo Empung pahpaan si Opo Empung uman si makawawa i milot ni Sia im witu um patéan. Pahpaan ni Sia mahtali-talinga si Opo Empung, um pengaléien-Na én tinalinga ni Opo Empung.

2 Petrus 1:16

Pahpaan ni kai i mahtuzu' wia ni kamu tumoro si Yesus Kristus Mahpiarata i mawurimé sumaup tanu si Kolano karia ung kawasa-Na, zéi'kan mahkiit a sirita towo am winangun uman né tou, taan ni kai sé nimilek wo sé timalinga ung kawangko'an-Na.