Lukas 9:27 - Taaz Weru Witu u Nunuwu'en Tombulu

²⁷ Uli-ulit ikua-Kuma wia ni kamu, ‘Im wia ni kamu im wia'i, wéwéhan sé zéi'kampé' nimaté sa zéi'kampé' nimilek ung Kakolanoan ni Opo Empung.’ ”

Lukas 9:27 Iomraidhean Croise

Matius 16:28

Uli-ulit ikua-Kuma wia ni kamu: Wéwéhan sé woopira im wia ni kamu im wia'i én zéi'kampé' nimaté puunala séra i mileka si Oki' ni Tou méyé ing Kolano witi Kakolanoan-Na.”

Markus 14:25

Uli-ulit ikua-Kuma wia ni kamu, ni Aku én zéi'mo mahele-elepla un anggor, makaz witu un endo ni Aku i melep un anggor weru witi Kakolanoan ni Opo Empung.”

Markus 9:1

A si Yesus kumua kasiila wia ni séra, “Uli-ulit ikua-Kuma wia ni kamu, sé woopira im wia ni kamu sé wia un tampa kenu én zéi'kan maté puunala séra nimilek ung kawasa wo ung Kakolanoan ni Opo Empung.”

Lukas 2:26

Mémoikua ni Roh Lenas wia ni sia i ni sia én zéi'kampé' maté sa zéi'kampé' nimilek si Mesias, si Kolano milot sé tou, si méitaaz ni Opo Empung.

Lukas 22:18

Pahpaan ikua-Kuma wia ni kamu: Rengana in tarékan, ni Aku én zéi'mo mahele-elepla un anggor makaz ung Kakolanoan ni Opo Empung i méyé.”

Yohanes 14:2

Im witi walé ni Ama'-Ku é lakez un ento'an. Ni Aku i mangé witu é mamimek un tampa niou. Sa zéi'kan téntu, ni Aku én zéi'kan kumua niitu wia ni kamu.

Yohanes 16:7

Taan ni Aku mahkuama an ulit wia ni kamu: Sa ni Aku mangé, niitupé' um wéwéhan torona im wia ni kamu. Pahpaan sa ni Aku zéi'kan mangé, si Menunulung itii én zéi'kan méyé wia ni kamu. Taan sa ni Aku mangé, ni Aku é matumé ni Sia wia ni kamu.

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Ibrani 2:9

Taan im puuna i si Yesus wiapé' ung kaayahan, ni Sia ém winangun ni Opo Empung wawa'pé'mé oki' im wia sé malaekat taan zéi'kan tahlous uré. In toro niitu, pahpaan ung kamang méitambér ni Opo Empung, ni Sia nimaté wia péléng sé tou. Pahpaan ni Sia nimazéhamo makaz i nimaté, niitumo in tarékan ni kita nimileko i si Yesus é nimakaileko u looz wo u sigi' ni Opo Empung.