Lukas 9:23 - Taaz Weru Witu u Nunuwu'en Tombulu

²³ Ipahkua-Na wia ni séra péléng, “Séi si paaz ing kumiit ni Aku, ni sia én zéi'mo mahkiit ang kapaazna. Sekez in endo é léwo'zéi' i masaan u salipna wo mahkiit ni Aku.

Lukas 9:23 Iomraidhean Croise

Roma 8:13

Pahpaan, sa ung katou-touan niou é mahkiit ung kapaaz un awak in esa, ni kamu é makailek um patéan. Taan sa ung katou-touan niou é mahkiit ung kapaaz ni Roh Lenas, ni kamu é mahpapaté um pahwangunen un awak niou u mahsingkéla', wo ni kamu é mamenou-nou.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

2 Timutius 3:12

Ulit im peléng sé tou sé paaz mahragés mengiité u ngaran ni Kristus Yesus é mazézéhan,

Titus 2:12

Ni Sia é mahtuzu' ni kita wo kita zéi'mo menou-nou i mahsaru ni Sia wo zéi'mo mahkiit a lelo léwo' né tou wia ung kaayahan wo menou-nou karia in tulap, zéi'kan mahsanaweka wo mahkiit uman um paaz-Na im wia ung kaayahan in tarékan.

Ibrani 13:13

Pahpaan si Yesus é nimazézéha witi ondolé u Yerusalem, niitumo méyémo kita mangé wia ni Sia witi ondolé un tampa rinendaian an ténda wo mendan an zézéha tanu um pinendan-Namé.