Lukas 9:20 - Taaz Weru Witu u Nunuwu'en Tombulu

²⁰ A Sia meligau wia ni séra, “Sa kiit ni kamu, ni Aku é séi?” A mingkotla si Petrus, “Mesias si wia si Opo Empung a méyé.”

Lukas 9:20 Iomraidhean Croise

Matius 22:42

“Sa ni kamu, séi si Mesias? Suzu ni séi Sia?” A séra mingkotla wia si Yesus, “Ni Sia é Suzu ni Daud.”

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 5:47

Sa kamu mapaayo u sisigi'an wia sé katuari niou uman, apa u lumousé im wana am winangun né tou walina? Pahpaan maan sé tou zéi'kan ma'éman wia si Opo Empung kangkasii é mahwangun an téntu.

Markus 14:61

Taan si Yesus é memene-menes uman, ni Sia én zéi'kan nimingkotla apa. A si Walian Wangko' itii lumigau kasiila wia si Yesus, “Apa ni Ko é Mesias, si Oki' ni Opo Empung, Si Pahloozen?”

Markus 8:29

A Sia meligau wia ni séra, “Taan sa ikiit ni kamu, ni Aku é séi?” A mingkotla si Petrus, “Ni Komo si Mesias!”

Lukas 22:67

Im witu ni séra meligau, “Sa ni Komo si Mesias, ikuamé wia ni kai?” A si Yesus mingkotla, “Zozo' ni Aku kumuama wia ni kamu, niitu én zéi'kan pa'émanen niou;

Lukas 9:19

A séra mingkotla, “Wéwéhan sé mahkua si Méster é si Yohanes Menanarani. Sé walina é mahkua si Méster é si nabi Elia. Wéwéhan kasii sé mahkua si Méster én esaané im wia sé nabi im puuna si nimatoumomé sumaup.”

Yohanes 1:41

Si Andreas ing kataré-taré é nimahilekan karia ni Simon si katuarina ang kumua wia ni sia, “Si Mesias éng kinailekan naimo (Mesias ung kalakoana éng Kristus).”

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 11:27

Am wingkotela ni Marta, “Éné, Tuang, ni aku ma'éman i ni Komo si Mesias, si Oki' ni Opo Empung, si méyé wia ung kaayahan.”

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 4:29

“Méyémo, méileken si tou si kimua wia ni aku péléng a nimualikumola. Woo ni Siamo si Kristus?”

Yohanes 4:42

A séra kumuala wia si wéwéné itii, “In tarékan ni kai ma'éman én zéi'kan uman pahpaan a méikuamu, taan pahpaan ni Sia si tinalinga naimo in esa wo kata'uan nai i ni Sia si uli-ulit milot sé tou wia ung kaayahan im witu un ukuman wana a singkéla'.”

Yohanes 7:41

Sé walina mahkua, “Ni Siamo si Mesias.” Taan sé walina kasii é mahkua, “Zéi'kan, si Mesias én zéi'kan witi Galilea a méyé!

Kisah Rasul-rasul 17:3

Ni sia nimapata'u wo mahtuzu' wia ni séra i si Mesias é léwo'zéi' i mazéha wo itou sumaup im wia sé nimaté. Ang kuan ni Paulus wia ni séra, “Si Mesias itii é si Yesus, si méipahwoka'kumola wia ni kamu.”

Kisah Rasul-rasul 8:36

I ni séra karegas mahlampang karia ung keréta, a séra ikaayola witu un tampa wéwéhan un zano. Kuan ni tonaas itii wia si Filipus, “Amoké ilekena, um witu ém wéwéhan un zano! Toromo aku i saranin in tarékan?” [

Kisah Rasul-rasul 9:22

Taan si Saulus éng katulapnamo i mahwoka' wia sé tou i si Yesus é Mesias. Pahpaano niitu, sé tou Yahudi witi Damsyik é nimalinganga wo zéi'mo mata'u kumua ing kura.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.