Lukas 9:19 - Taaz Weru Witu u Nunuwu'en Tombulu

¹⁹ A séra mingkotla, “Wéwéhan sé mahkua si Méster é si Yohanes Menanarani. Sé walina é mahkua si Méster é si nabi Elia. Wéwéhan kasii sé mahkua si Méster én esaané im wia sé nabi im puuna si nimatoumomé sumaup.”

Lukas 9:19 Iomraidhean Croise

Matius 14:2

Ang kuana wia sé touna, “Si tou makangaran Yesus itii, ni siamo si Yohanes Menanarani. Ni sia é méitoumomé sumaup ni Opo Empung im wia sé nimaté. Niitumo ni sia ém wéwéhan kawasa i mahwangun a makakompo'en.”

Matius 3:1

In toro niitu, wéwéhan si tou makangaran Yohanes Menanarani. Ni sia nimangé witi kapelasan witi Yudea a mahwoka' wia sé tou,

Markus 6:14

Si kolano Herodes kasii én timalingamola an tumoro si Yesus, pahpaan u ngaran ni Yesus én ipahkua-kuamo wo wéwéhan sé mahkua, “Si Yohanes Menanarani é méitoumomé sumaup im wia sé nimaté, niitumo ni Sia ém wéwéhan kawasa i mahwangun a makakompo'en.”

Markus 6:15

Sé walina é mahkua, “Ni Siamo si Elia!” Wo wéwéhan kasii sé walina é mahkua, “Ni Sia é nabi, katoro né nabi im puuna.”

Lukas 9:18

Makasamé, i si Yesus uman in esa si mengaléi, a sé pahtuzu'en-Na méyé witu u rété-Na. A Sia meligau wia ni séra, “Sé tou lakez mahkua ni Aku é séi?”

Lukas 9:20

A Sia meligau wia ni séra, “Sa kiit ni kamu, ni Aku é séi?” A mingkotla si Petrus, “Mesias si wia si Opo Empung a méyé.”

Yohanes 1:21

A séra meligau wia ni sia, “Sa téntu, séi ko? Ni ko si Nabi Elia?” Wingkotenala, “Zéi'kan!” A séra meligau kasii, “Apa ni ko si Nabi si méyé itii?” Am wingkotenala, “Zéi'kan!”

Yohanes 1:25

Ni séra é meligau wia ni sia, “Sa téntu, kaa ko mahsarani sé tou, sa ko zéi'kan Mesias, zéi'kan Nabi Elia wo zéi'kan nabi si méyé?”

Yohanes 7:40

Sé woopira im wia sé tou lakez, sé timalinga a méikua-Nama itii, mahkua, “Si tou kenu én uli-ulit Nabi si méitaaz i méyé.”

Yohanes 9:17

Ni séra meligau kasii wia si tou itii, “Kura un ikuamu tumoro ni Sia, pahpaan ni Sia limé'oso um werenmu?” Wingkotenala, “Ni Sia é nabi.”