Lukas 9:18 - Taaz Weru Witu u Nunuwu'en Tombulu

¹⁸ Makasamé, i si Yesus uman in esa si mengaléi, a sé pahtuzu'en-Na méyé witu u rété-Na. A Sia meligau wia ni séra, “Sé tou lakez mahkua ni Aku é séi?”

Lukas 9:18 Iomraidhean Croise

Matius 14:23

I sé tou lakez itii méipekiwuri-Namoma, a si Yesus mengesama i simosoza witu ung kimeleng i mamengaléi. Im wengimo, si Yesus ém witupé' mengesa-ngesa.

Matius 26:36

Tumondong niitu, si Yesus wo sé pahtuzu'en-Na ikaayola witi tampa makangaran Getsemani. Ang kuan ni Yesus wia ni séra, “Rumumezola wia'i, karegas ni Aku i mamengaléi witi kenuma.”

Lukas 11:1

I sana endo, si Yesus mengaléi. Kumawusa ni Sia i mengaléi, a méyé si esaané wia sé pahtuzu'en-Na, ang kumuala, “Tuang, tuzu'ené kai kura i mengaléi, tanu a méipahtuzu' ni Yohanes wia sé pahtuzu'enna.”

Lukas 3:21

Puunala si Yohanes méiuntep witi bui, ni sia é simaranimola sé tou lakez. I si Yesus sinaraninala wo karegas si Yesus mengaléi a mawukama u langit,

Lukas 6:12

In toro niitu, si Yesus simosoza witu ung kimeleng i mamengaléi. Im witu ni Sia é simanawengi i mengaléi wia si Opo Empung.

Lukas 9:19

A séra mingkotla, “Wéwéhan sé mahkua si Méster é si Yohanes Menanarani. Sé walina é mahkua si Méster é si nabi Elia. Wéwéhan kasii sé mahkua si Méster én esaané im wia sé nabi im puuna si nimatoumomé sumaup.”

Lukas 9:28

Woo waluna endomo si Yesus ing kimuama niana, an ipahwali-Nama si Petrus, si Yohanes wo si Yakobus sumosoza mangé witi kentur i mamengaléi.

Lukas 9:29

Karegas si Yesus mengaléi im witu, ung gio-Na ém pahileken i nimawalinamoma wo ung kinarai-Na é nimakulo'moma meto-petot.