Lukas 8:7 - Taaz Weru Witu u Nunuwu'en Tombulu

⁷ Am watuna tatanemen walina é méikagogoma witu un tana' an tinouan an zukut menulah. Tumoumé am watuna tatanemen itii wo maan an zukut menulah kasii é mahtou. Kauréna am watuna tatanemen mahtou itii é méisé'sé'la an zukut menulah akaz an tinanem itii nimaté.

Lukas 8:7 Iomraidhean Croise

Matius 13:22

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Matius 13:7

Am watuna tatanemen walina é méikagogoma witu un tana' tinouan zukut menulah. I mahtoumomé am watuna itii, an zukut menulah kangkasii éng kaselahna a sumé'sé'la an tinanem itii makaz i nimaté.

Markus 4:7

Wo am watuna tatanemen walina é méikagogoma witu un tana' tinouan an zukut menulah. I mahtoumomé am watuna tatanemen itii, an zukut menulah kangkasii éng kaselahna, a sumé'sé'la an tinanem itii makaz i nimaté, zéi'kan nimua'mé.

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.

Lukas 8:14

A méikagogo witu un tana' tinouan an zukut menulah, ung kalakoana é sé tou timalingama u Nuwu' ni Opo Empung, taan ni séra é maarét tumoro ung katou-touan néra, paaz mawa'ilan wo mahkiit uman a lelo wia ung kaayahan, taka-takazan zéi'kan nimaririhan.

Lukas 8:6

Am watuna tatanemen walina é méikagogoma witu un tana' watu-watun. Am watuna tatanemen itii én timoumé taan zéi'kan uré é nimaperamoma pahpaan zéi'kan siapa zano.

Lukas 8:8

Am watuna tatanemen walina é méikagogoma witu un tana' rembuz, am watuna tatanemen itii timoumé makaz i mahwua'. Am wua'na é makasana atusé.” Tumondong niitu, ang kuan ni Yesus, “Séi si wéwéhan lunteng i mahtalinga é mahtalingama lé'os!”