Lukas 8:44 - Taaz Weru Witu u Nunuwu'en Tombulu

⁴⁴ Si wéwéné itii rumétéma witu u muri ni Yesus a sumahiza u rawisna ung karai tonton ni Yesus. In toro niitukan a mento'la un zaha' mahondol wia ni sia.

Lukas 8:44 Iomraidhean Croise

Matius 20:34

A mawiamé u raraatéan ni Yesus wia ni séra. An irasak-Nama u lengen-Na wana am weren néra zua, in toro niitukan ni séra én toromo mahilek, a séra kumiit si Yesus.

Matius 8:3

A si Yesus tumiona wia si tou itii, ang kumuama, “Ni Aku ém paaz, malé'osoma.” In toro niitukan, si tou tinoro ung kusta itii é nimalé'osa.

Matius 9:20

Karegas séra i mahlampang wéwéhan si wéwéné si mapulu' wo zuana ta'uno zézéha im pahondolan. Ni sia é rimétéla witu u muri ni Yesus a sumahiza u rawisna ung karai tonton ni Yesus.

Markus 6:56

Wisa uman un angéané ni Yesus, wana am wanua, wana am wanua tua'na kaapa wana am wanua oki', sé tou saki én ipahzeta' néramé wana am pasar a mahaléi wia si Yesus, wo sé tou saki itii toro kiitané zozo' i sumahiz umana u rawisna ung karai tonton-Na. Péléng sé tou simahiza ung karai tonton ni Yesus é nimalé'os.

Lukas 13:13

A si Yesus zumeta'la u lengen-Na wia si wéwéné itii. In toro niitukan si wéwéné itii rimendaié nimakaterén a sia mahlooz si Opo Empung.

Lukas 7:38

a sia rumendaila witu muri, rété un a'é ni Yesus. Ni sia é mahamé' wo u lué'na é mahtihisa witu un a'é ni Yesus, am pahpéhosenama karia um wuukna wo niitu maperama. Tumondong niitu pahsiomenna un a'é ni Yesus, am wuwu'annama karia u lana mahwou tariis.

Lukas 8:43

Im wia sé tou lakez itii, wéwéhan si wéwéné mapulu' wo zuana ta'uno zézéha im pahondolan, [a sangkumna é nimaapumoma pahpaan pahwaér sé mahundam ni sia] wo zéi'kan siapa si makawawa i lumé'os ni sia.

Lukas 8:45

A si Yesus meligau, “Séi si simahizé wia ni Aku?” Taan zéi'kan siapa si makaulité, ang kuan ni Petrus, “Méster, téntu ung kalakez né tou nimaréwok wo mahsésé-sé'sé'an witu u rété-Mu.”

Yohanes 5:13

Taan si tou taré malé'osa itii én zéi'kan mata'u séi si limé'osoma u sakina, pahpaan si Yesus én zéi'mo niileka im witu un unez né tou lakez witi tampa itii.

Kisah Rasul-rasul 19:12

Lumouspé'mé niitu, u léso kaapa u roko' am pinahpakémola ni Paulus ém pinahalima né tou an izeta'la wia sé tou saki, nimangun sé tou saki itii nimalé'os wo nimangun sé roh léwo' sé simelaz wia sé tou é nimondolé.

Kisah Rasul-rasul 5:15

Lumousé niitu, sé tou saki é méipahondol néramé an ipahwalima witi lalan an ikolo'la witu um wuwuléngan wo sasanih. Winangun néra téntu wo sa si Petrus lumangkoia witu, zozo' u lénona uman én ikatoroma wia sé saki itii.