Lukas 8:43 - Taaz Weru Witu u Nunuwu'en Tombulu

⁴³ Im wia sé tou lakez itii, wéwéhan si wéwéné mapulu' wo zuana ta'uno zézéha im pahondolan, [a sangkumna é nimaapumoma pahpaan pahwaér sé mahundam ni sia] wo zéi'kan siapa si makawawa i lumé'os ni sia.

Lukas 8:43 Iomraidhean Croise

Markus 12:44

Pahpaan ni séra é niméhéma an zoit raragés néra wana ang kalakez an anu néra, taan si wéwéné mahesa-esamokan kenu é niméhéma wana an anuna an toyo' uman, lumouspé'mé niitu péléng am pemandungenna i menou-nou é méiwéhénamoma.”

Markus 9:18

Sekez si sétang itii kumawasama wia ni sia, si koki' itii én ipahwasalna witu un tana' wo u sumahna é mahsewu, am waangna éng karékétokan wo un touna é mengesé-ngeséi. Ni aku é nimahaléiola wia sé pahtuzu'en ni Méster wo si sétang itii iwoho nérama, taan ni séra én zéi'kan nimakawawama.”

Lukas 13:11

Im witu ém wéwéhan si wéwéné saki. Ni sia i saki é mapulu' wo waluna ta'uno pahpaan ni sia é sinelazan ni roh léwo' makaz ni sia é nimawohko zéi'mo toro rumendai makaterén.

Lukas 13:16

Si wéwéné kenu é suzu ni Abraham, ni sia é mapulu' wo waluna ta'uno i saki pahpaan sinelazan ni tonaas né sétang. Niitumo, in tarékan witu un endo Sabat kenu ni sia é léwo'zéi' ipilot-Ku im witu ung kawasa ni tonaas né sétang.”

Lukas 8:27

I si Yesus timumpamé witu u londéi, a méyé si tuama esa, ni sia é sinelazan né sétang, ni sia ém witi wanua tua'na itii a méyé. Si tuama itii én urémo in zéi'kan kimarai wo zéi'mo mahento' witi waléna, taan ni sia é mahento'mokan witi pahlewengan.

Lukas 8:42

pahpaan si kooki'na si esa uman é saki wo tawimo maté. Ung katou-touan ni kooki' itii ém woo mapulu' wo zuana ta'uno. A si Yesus mangé witi walé ni Yairus. Karegas Sia i mahlampang, sé tou lakez é mahsésé'sé'an witu u rété-Na.

Lukas 8:44

Si wéwéné itii rumétéma witu u muri ni Yesus a sumahiza u rawisna ung karai tonton ni Yesus. In toro niitukan a mento'la un zaha' mahondol wia ni sia.

Yohanes 9:1

I si Yesus mahlampang, ni Sia mileka si letok renganpé' i nimatoumé.

Yohanes 9:21

Taan kura wo sia toromo mahilek in tarékan, zéi'kan kata'uan nai. Wo séi si nimanguné ni sia toromo mahilek, niitu kangkasii én zéi'kan kata'uan nai. Ligauenola wia ni sia, ni sia én tarétumoumo, ni sia toro kumua niitu in esa.”

Kisah Rasul-rasul 3:2

Im witu ém wéwéhan si tuama un a'éna é lailai rengan i nimatoumé, ni sia ém pahwulé-wulénganokan. Sekez in endo ni sia ém pengangaliné witu rété um pepenet um Walé ni Opo Empung um pahkuan Pepenet Wangun. Ni sia im witu é mengangaléi wia sé tou mémuntep witu um Walé ni Opo Empung.

Kisah Rasul-rasul 4:22

Pahpaan ung katou-touan ni tou lailai woan itii é limangkoio epatna pulu' ta'un, wo in tarékan é lé'oso.