Lukas 8:35 - Taaz Weru Witu u Nunuwu'en Tombulu

³⁵ A sé tou mondolé i mamilek u nimamuali itii. Ni séra méyé wia si Yesus an ileken nérala si tou sinelazan né sétang woan itii é rimumezo witu u rété un a'é ni Yesus, ni sia éng kimaraio wo lé'oso. I milekla niitu sé tou itii éng kinaindé'an.

Lukas 8:35 Iomraidhean Croise

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Markus 5:15

Ni séra niméyé wia si Yesus, ileken nérama si tou sinelazan né sétang makangaran Legion itii é makarumezo, kimaraio wo ung genangna ém wanguno. Kaiilekla niitu ni séra é maindé'.

Lukas 10:39

Si Marta ém wéwéhan si totoz katuarina makangaran Maria. Im witu um walé itii si Maria rimumez witu rété un a'é ni Yesus i mahtalinga an ipahkua ni Yesus.

Lukas 15:17

Ang kagenangala ni taweng itii ung katou-touanna, kuana, ‘Lakez sé tou mahpaayang wia si ama'ku wo am pahkanen néra én totoz lakez, taan im wia'i ni aku én tawimo maté i maharem.

Lukas 2:46

In teluna endomo, ang kailekan nérala Sia witi Walé ni Opo Empung. Ni Sia é rimumez witu un unez né méster um pa'émanen né Yahudi, ni Sia é mahtalinga wo mahligau wia ni séra.

Lukas 8:27

I si Yesus timumpamé witu u londéi, a méyé si tuama esa, ni sia é sinelazan né sétang, ni sia ém witi wanua tua'na itii a méyé. Si tuama itii én urémo in zéi'kan kimarai wo zéi'mo mahento' witi waléna, taan ni sia é mahento'mokan witi pahlewengan.

Lukas 8:34

I sé mahtéiz sé wawi nimilek u nimamuali itii, ni séra éng kimara'ma mangé witi wanua tua'na wo wana am wanua limiklik witu a sumirita u nimamuali itii.

Kisah Rasul-rasul 22:3

“Ni aku én tou Yahudi, nimatou witi Tarsus witi tana' Kilikia, taan nimatu'a wia um wanua tua'na kenu. Si mésterku é si Gamaliel. Ni sia si nimahtuzu' wia ni aku un ukum Torat u méituzu' ni Musa wia sé nimaopota tou Israel. Niitumo ni aku é ma'ulit i mahwangun ang kapaaz ni Opo Empung masuat wo ni kamu péléng in tarékan kenu.

1 Yohanes 3:8

Séi si memua-mualipé' a singkéla', ni sia ém wia si tonaas né sétang a méyé, pahpaan rengané im puuna si tonaas né sétang én zéi'kan kumana' i memua-muali a singkéla'. Pahpaano niia, si Kristus, si Oki' ni Opo Empung é mapailek un tou-Na, wo am pinaayang ni tonaas né sétang ém pakaléwo'en-Na.