Lukas 8:3 - Taaz Weru Witu u Nunuwu'en Tombulu

³ Wo si Yohana si mahayo ni Khuza. Si Khuza kenu én tonaas né mahpaayang witi istana ni Herodes. Wéwéhan kasii si makangaran Susana wo lakez sé wéwéné walina. Sé wéwéné itii é mahsawang si Yesus wo sé pahtuzu'en-Na karia an zoit néra.

Lukas 8:3 Iomraidhean Croise

Matius 14:1

In toro niitu, si Herodes Antipas si kolano witi Galilea én timalingala a sirita tumoro si Yesus.

Matius 14:3

Si Herodes é mahgenangla in téntu, pahpaan im puuna si Yohanes é méipekitiona an iuntepna witu um bui. Winangunna téntu pahpaan si Yohanes é siméro'la si Herodes ing kumawéng si Herodias, si mahayo ni Filipus katuarina.

Matius 14:6

Taan im witu un endo i lumé'os un endo kinatouan ni Herodes, si raraha ni Herodias é mahmanari witu u sinaru ni Herodes wo né sakéina, a mangun si Herodes totoz mahpaa-paaz.

Matius 2:11

A séra muntepla witu um walé, a milekla si Koki' itii karia si Maria si ina'-Na, a séra kumuruzla i mongkot wo mahsigi' ni Sia. Wukan nérala am pelélé'osan néra, an éndon néramé u mas, ung kamania wo u mur an iwéhé nérala wia ni Sia.

Matius 20:8

Im wengimo, a si makauma itii kumuala wia si menénéiz sé mememendu, ‘Tawahené péléng sé mememendu itii wo séra waérala, rengané im wia sé nimaayang totoz kamurian makaz wia sé nimaayang kataré-taré.’

Matius 25:40

Si Kolano itii é mingkot wia ni séra in téntii, ‘Uli-ulit ikua-Kuma wia ni kamu, péléng am winangun niouola wia si esaané im wia sé katuari-Ku sé totoz roros kenu, niitu ém winangun niouola wia ni Aku.’

Matius 26:11

Pahpaan sé tou zéi'kan siapa apa sekezé ém witu u liklik niou, taan ni Aku zéi'kan sekezé é memali-mali karia niou.

Matius 27:55

Im witu kangkasii é lakez sé wéwéné mengile-ngileké witi zou'ma. Ni séra é sé wéwéné nimahkiité si Yesus rengané im witi Galilea i mahselewir ni Sia.

Lukas 24:10

Sé wéwéné itii é si Maria tou Magdala, si Yohana wo si Maria ina' ni Yakobus karia né wéwéné walina. Ni séra é nimahwalima i makumua wia sé aatu ni Yesus.

Yohanes 12:6

Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.

Kisah Rasul-rasul 13:1

In toro niitu, im wia sé jamaat witi Antiokhia ém wéwéhan sé woopira nabi wo méster. Ni séra é si Barnabas, si Simeon pahkuan in Zemdem, si Lukius tou Kirene, si Menahem si rengané ing koki' ém piniara karia ni kolano Herodes, wo kasii si Saulus.

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Filipi 4:22

Péléng sé tou linenas pahpaan ma'émano wia si Yesus wia'i é mapaayoma u sigi' néra wia ni kamu. Wuntul sé mahwia-wia u istana ni Kaisar é mahpuu-puuna i mapaayoma u sigi' néra wia ni kamu.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.