Lukas 8:28 - Taaz Weru Witu u Nunuwu'en Tombulu

²⁸ Kaiileknama si Yesus, a sia mahkérét ang kumuruzla ung gio makaz witu un tana' witu u sinaru ni Yesus, ang kuana karia i rimimeza, “É Yesus, Oki' ni Opo Empung si Totoz Rakék! Apa un éyé-Nu wia ni aku? Pahaléiengku wia ni Ko, tia'mo zumézéha ni aku.”

Lukas 8:28 Iomraidhean Croise

Matius 8:29

A sé sétang simelaz wia ni séra kuméréta, “É Oki' ni Opo Empung! Apa un éyé-Nu wia ni kai? Apa ni Ko niméyé é mézuméha ni kai puunala un oras tinotozo?”

Lukas 8:27

I si Yesus timumpamé witu u londéi, a méyé si tuama esa, ni sia é sinelazan né sétang, ni sia ém witi wanua tua'na itii a méyé. Si tuama itii én urémo in zéi'kan kimarai wo zéi'mo mahento' witi waléna, taan ni sia é mahento'mokan witi pahlewengan.

Lukas 8:29

Si tou sinelazan né sétang itii é mahkua in téntu wia si Yesus, pahpaan sé sétang itii é méiwohoma ni Yesus im wia si tou itii. Pahpaan si tou itii sekezé éng kinawasa né sétang, niitumo u lengen wo un a'éna ém pahapusen né tou karia u ranté taan um pahrepesena umana. Si tou itii ém pemamalima né sétang wana an zéi'kan pahento'an né tou.

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

1 Yohanes 3:8

Séi si memua-mualipé' a singkéla', ni sia ém wia si tonaas né sétang a méyé, pahpaan rengané im puuna si tonaas né sétang én zéi'kan kumana' i memua-muali a singkéla'. Pahpaano niia, si Kristus, si Oki' ni Opo Empung é mapailek un tou-Na, wo am pinaayang ni tonaas né sétang ém pakaléwo'en-Na.

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.