Lukas 8:24 - Taaz Weru Witu u Nunuwu'en Tombulu

²⁴ A si Yesus mawongkéné né pahtuzu'en-Na, kuan néra, “Méster, Méster ikaléwo'mo kita!” Si Yesus rumendaié a rekaken-Nama u reges repet wo un zano mahsempa' itii. U reges repet wo un zano mahsempa' é rengan i nimento'la wo u louz é nimapenesa.

Lukas 8:24 Iomraidhean Croise

Matius 14:30

Taan im pahpendanenala u reges repet é mahtoromé ni sia, a sia maindé' am pahkatenema, ang kumérét, “Tuang, tulungené ni aku!”

Matius 8:25

A si Yesus wongkéla né pahtuzu'en-Na. Kuan néra, “Tuang! Tulungené. Ni kita éng kaléwo'mo.”

Markus 4:39

A si Yesus rumendaié a rekaken-Nama u reges itii, wo kumuama witu u louz, “Menesla! Mento'mola!” A mento'la u reges wo u louz én totoz nimapenesa.

Lukas 4:35

Taan si Yesus é rimekaka ni sia, “Menesla wo mondola im wia ni sia!” Si tou itii méiwasala ni sétang witu u unez né tou lakez, a sia mondola zéi'kan nimangun si tou itii mendan rumara.

Lukas 4:39

A Sia rumendaila witu ung kasaru ung kokolo'anna, a mohoma um pasu'na itii, a mazéi'ma um pasu'na itii. Si wéwéné itii é rengan in timoozé a masumelewir ni séra.

Lukas 5:5

A mingkotla si Simon, “Méster, simanawengi kai ma'ulit i mahpenéro seza' taan ni kai én zéi'kan méikailekla zozo' in esa, taan pahpaan si Méster si nimatu, u lolombo' kenu én ilombo'kukana.”

Lukas 8:25

Ang kuan ni Yesus wia sé pahtuzu'en-Na, “Kaa kamu zéi'kan ma'éman wia ni Aku?” Ni séra é maindé' wo mengusi-ngusingsing, a si esa wo si esa im wia ni séra mahkua, “Séi Sia wé, taka-takazan u reges wo un zano mahsempa' itii é mahkiit um perénta-Na?”