Lukas 8:18 - Taaz Weru Witu u Nunuwu'en Tombulu

¹⁸ Niitumo, totoz pahwéhanla genang an tinalinga niouo. Pahpaan séi si mahtata'u u Nuwu' ni Opo Empung, ni sia é mawangunen ni Opo Empung makatulap niitu. Taan séi si soo mahtata'u u Nuwu' ni Opo Empung, makaz am pahgenangennala ing kata'uannamo ém pakaéndon.”

Lukas 8:18 Iomraidhean Croise

Matius 13:12

Pahpaan séi si makatulapo, ni sia én awesampé' makaz i malake-lakez, taan séi si zéi'kan makatulap, péléng am wia ni sia ém pakaéndon.

Matius 25:29

Pahpaan séi si tou wéwéhano, ni sia én awesampé' makaz i malake-lakez. Taan si tou zéi'kan siapa, apa uman um wia ni sia én éndon im wia ni sia.’

Markus 13:14

Kuan ni Yesus, “Ni kamu é milek si tou totoz léwo' wo meléléwo' am péléng, makarendai witu un tampa zéi'kan wangun wia ni sia. (Si macama ang kenu é méhéla genang witu ung kalakoana). In toro niitu, tawimo sé tou witi Yudea én tumingkasa wana ang kentur.

Lukas 19:26

A séra wingkotenala in téntii, ‘Ikuakuma wia ni kamu, péléng sé tou makaanumo, wia ni sia én awesampé', taan séi si zéi'kan siapa, péléng am wia ni sia ém pakaéndon.

Lukas 9:44

“Talinga nioua wo totoz wéhanla genang un ikua-Kuma kenu, ‘Si Oki' ni Tou é maiayo witu ung kawasa né tou.’ ”

Yohanes 15:2

Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.

Kisah Rasul-rasul 10:33

Niitumo ni aku rengan nimatuma tou i matumawah ni ko. Wo ni ko é niméyémo karia i mahpaa-paaz. In tarékan, ni kai péléng é nimaréwoko wia'i witu u sinaru ni Opo Empung in tumalinga u méiperénta ni Opo Empung wia ni ko in ikua wia ni kai péléng.”

Kisah Rasul-rasul 17:11

Um pakahgena-genang né tou Yahudi witi Berea é lumé'ospé'mé sé tou Yahudi witi Tesalonika. Ni séra én totoz paaz i mahtalinga u Nuwu' ni Opo Empung itii. Wo sekez in endo ni séra é mahtata'u am pinantik witu um Pinantik Lenas i mahtata'u sa péléng am pahtuzu' ni Paulus én ulit kaapa zéi'kan.

Roma 12:3

Ung kamang tatambér ni Opo Empung é méiwéhémomé wia ni aku. Niitumo ni aku sumésama wia ni kamu: Ni kamu én tia'mo megena-genang lumousé séi un ulitna ni kamu, taan tawimo ni kamu gumenangola lumé'o-lé'os mengiit um pa'émanen niou tanu a méitambér-Namo wia ni kamu si esa wo si esa.

1 Korintus 14:37

Sa wéwéhan tou mahkua i ni sia é nabi, kaapa tinambéran ni Roh Lenas, ni sia é léwo'zéi' mata'u sa péléng am pinantikku kenu ém perénta ni Mahpiara.

1 Korintus 3:18

Tia' wo wéwéhan si tou mahtowo witu un touna in esa. Sa wéwéhan si tou mahkua un touna én tulap mengiit am wia ung kaayahan kenu, ni sia é maéndopé'la lemou wo taré sia toro uli-ulit matulap.

1 Korintus 8:2

Sa wéwéhan tou mahgenangla ni sia ém wéwéhano un totoz kata'uan, un ulitna ni sia én zéi'kampé' tahlous mata'u.

Filipi 3:4

Im wia ni aku kangkasii ém wéwéhan un toro ipahloo-looz tumoro an toro wangunengku in tou. Sa wéwéhan tou walina mahlooz tumoro um winangun ni tou witu un awakna pahpaan mahkiit un ukum Torat, ni aku kangkasii ém wéwéhan un toro pahloo-loozku lumousé ni sia.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.