Lukas 8:16 - Taaz Weru Witu u Nunuwu'en Tombulu

¹⁶ Ang kuan ni Yesus, “Zéi'kan siapa tou tumutungla u solo wo niitu keleuannala karia un tampayang kaapa iwéhéna witu lalem ung kokolo'an. Taan u solo itii én izeta'na witu um penono'tolan u solo wo péléng sé tou muntepa witu um walé itii én toro milek u sena'na.

Lukas 8:16 Iomraidhean Croise

Lukas 11:33

Si Yesus kimua un aandéan in téntii, “Zéi'kan siapa tou tumutungla u solo wo maizeta'na witi tampa méikawuni kaapa keleuanna karia un tampayang, taan u solo itii é maizeta'na witu um penono'tolan u solo wo sé tou mahuntepa witu um walé én toro milek u sena'na.

Lukas 8:15

A méikagogoma witu un tana' rembuz, ung kalakoana é sé tou timalingama u Nuwu' ni Opo Empung, totoz winéhan néra genang akaz nimahmut witu un até lé'os néra wo ni séra zéi'kan mazéi' i memangu-mangun u Nuwu' ni Opo Empung itii.”

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 11:4

Sé tou zua itii én tanu ung kai zaitun zua, wo un zua pezezetaan solo a méipenoo-nooz witu u sinaru ni Opo Empung si mahkawasa wia péléng ung kaayahan.