Lukas 8:15 - Taaz Weru Witu u Nunuwu'en Tombulu

¹⁵ A méikagogoma witu un tana' rembuz, ung kalakoana é sé tou timalingama u Nuwu' ni Opo Empung, totoz winéhan néra genang akaz nimahmut witu un até lé'os néra wo ni séra zéi'kan mazéi' i memangu-mangun u Nuwu' ni Opo Empung itii.”

Lukas 8:15 Iomraidhean Croise

Matius 24:13

Taan sé tou ezen makaz ing kamurian é makailek ung katou-touan makaz ing kauré-uré.

Lukas 11:28

Taan kuan ni Yesus, “Si mahpaa-paaz é si tou mahtalinga wo mahwangun u Nuwu' ni Opo Empung.”

Lukas 6:45

Si tou lé'os é mahnuwu'mé am wangun a mahondolé witu un aténa u mawuta-wuta am wangun. Wo si tou léwo' é mahnuwu'mé a léwo'an a mahondolé witu un aténa u mawuta-wuta a léwo'an. Pahpaan am pahnuwu'ennu é mahondolé witu un atému.”

Lukas 8:14

A méikagogo witu un tana' tinouan an zukut menulah, ung kalakoana é sé tou timalingama u Nuwu' ni Opo Empung, taan ni séra é maarét tumoro ung katou-touan néra, paaz mawa'ilan wo mahkiit uman a lelo wia ung kaayahan, taka-takazan zéi'kan nimaririhan.

Lukas 8:16

Ang kuan ni Yesus, “Zéi'kan siapa tou tumutungla u solo wo niitu keleuannala karia un tampayang kaapa iwéhéna witu lalem ung kokolo'an. Taan u solo itii én izeta'na witu um penono'tolan u solo wo péléng sé tou muntepa witu um walé itii én toro milek u sena'na.

Yohanes 14:15

Kuan ni Yesus kasii wia sé pahtuzu'en-Na, “Sa kamu rumaraaté ni Aku, ni kamu é mangun a méiperénta-Ku.

Yohanes 15:10

Sa ni kamu mahkii-kiit am perénta-Ku, ni kamu é menou-nou in tou sé karaaté-Ku. Tanu ni Aku i mahkii-kiit am perénta ni Ama'-Ku wo ni Aku é menou-nou in tou si karaaté-Na.

Roma 2:7

Si Opo Empung é méhé ung katou-touan makaz ing kauré-uré wia sé tou sé zéi'kan mazéi' mahwangun am wangun i menéro u sisigi'an, u lolooz wo ung katou-touan un zéi'kan maléwo'.

Roma 6:22

In tarékan, ni kamu é mémoikapilot im wana a singkéla' wo nimaéndomo ata ni Opo Empung. Niitu u nimangun ni kamu nimakailek ung katou-touan u linenas-Na wo ing kamurian mahalimé ung katou-touan makaz ing kauré-uré.

Roma 7:18

Kata'uangku witu un touku, in tou uman, zéi'kan siapa um wangun. Pahpaan u lelo i mangun am wangun ém wia ni aku taan ni aku én zéi'kan makawawa i mangun niitu.

Roma 7:4

Téntu kangkasii ni kamu katuari-katuari. Ni kamu én tanu nimatémo im witu un ukum Torat, pahpaan ni kamu ém pina'esamo karia un awak ni Kristus, wo ni kamu maéndomo anu ni Kristus, si méitou sumaup im wia sé nimaté wo ung katou-touanta wéwéhan torona im wia si Opo Empung.

Roma 8:25

Taan sa um pahéré'anta én zéi'kan pahilekenta, ni kita é léwo'zéi' in ezen i ma'ento' niitu.

1 Korintus 7:19

Pahpaan sinunat kaapa zéi'kan sinunat én zéi'kan siapa torona. Um wéwéhan torona é mahkiit a méiperénta ni Opo Empung.

Efesus 2:8

Pahpaan ung kamang méitambér ni Opo Empung, ni kamu méipiloté im witu un ukuman wana a singkéla' mengiité um pa'émanen niou, zéi'kan pahpaan um winangun niou taan méitambér umané ni Opo Empung.

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

Kolose 1:6

u mémoiwoka' wia ni kamu. U Nuwu' Lé'os itii é mémoiwoka'ma wia sé tou lakez wia ung kaayahan, wo u Nuwu' itii kangkasii éng kimamang ung katou-touan né tou wia ung kaayahan, tanu ung katou-touan niou ing kinamang rengan ni kamu in timalinga wo uli-ulit mata'u ung kamang méitambér ni Opo Empung.

Ibrani 10:36

Ni kamu én tia' mahkana' i ma'éman zozo' im pahzézéhan, wo ni kamu makailek u méitaaz ni Opo Empung pahpaan nimakawangunola an ikapaaz-Na.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.

Yakobus 1:4

Tia' mazéi' i ma'éman zozo' lakez am pema'wa'en makaz ung kaezenan niou uli-ulit malekep, wo ni kamu lekep wo wutul im wana am péléng.

1 Yohanes 2:3

Sa kita mahkiit am perénta ni Opo Empung, niitu én tumuzu'mé i ni kita é mata'u ni Sia.