Lukas 8:14 - Taaz Weru Witu u Nunuwu'en Tombulu

¹⁴ A méikagogo witu un tana' tinouan an zukut menulah, ung kalakoana é sé tou timalingama u Nuwu' ni Opo Empung, taan ni séra é maarét tumoro ung katou-touan néra, paaz mawa'ilan wo mahkiit uman a lelo wia ung kaayahan, taka-takazan zéi'kan nimaririhan.

Lukas 8:14 Iomraidhean Croise

Matius 13:22

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Markus 4:19

a méyé um paharétan tumoro ung katou-touan néra wo an eenou towo ung kawa'ilanan wo ang kapaaz walina. Niitu u nimangun u Nuwu' ni Opo Empung zéi'kan siapa torona im wia ni séra, makaz u Nuwu' itii zéi'kan nimua' witu un até néra.

Lukas 16:13

Si ata esa én zéi'kan mamuali i maayang wia sé zua tuang. Pahpaan sa téntu, si esa é maikazi'zisna wo si walina én iraraaténa. Kaapa ni sia é mahtali-talinga si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.

Lukas 8:13

A méikagogo wana an tana' watu-watun é sé tou timalingama u Nuwu' ni Opo Empung a sumungkul niitu karia mahpaa-paaz taan zéi'kan nimahmut witu un até néra. Ni séra nima'éman taan zéi'kan nimauréma, i méyé um pema'wa'en, ni séra soomo ma'éman.

Lukas 8:15

A méikagogoma witu un tana' rembuz, ung kalakoana é sé tou timalingama u Nuwu' ni Opo Empung, totoz winéhan néra genang akaz nimahmut witu un até lé'os néra wo ni séra zéi'kan mazéi' i memangu-mangun u Nuwu' ni Opo Empung itii.”

Lukas 8:7

Am watuna tatanemen walina é méikagogoma witu un tana' an tinouan an zukut menulah. Tumoumé am watuna tatanemen itii wo maan an zukut menulah kasii é mahtou. Kauréna am watuna tatanemen mahtou itii é méisé'sé'la an zukut menulah akaz an tinanem itii nimaté.

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

1 Timutius 6:17

Ipapagenangla wia sé tou wa'ilan wia ung kaayahan kenu in tia' loozan wo tia' mahéré' wana an zéi'kan mata'u éré'an tanu ung kawa'ilanan. Taan ni séra é mahéré'mola wia si Opo Empung wana ang kawa'ilanan-Na, si mahwéhémé péléng am péléng in toro kaipian.

2 Timutius 4:10

pahpaan si Demas ém paaz uman am wia ung kaayahan kenu wo timula'umoma ni aku. Ni sia é nimangémo witi Tesalonika. Si Kreskes é nimangémo witi Galatia wo si Titus é nimangémo witi Dalmatia.

Ibrani 6:1

Niitumo, méyémo kita méra i mahtata'u an tutuzu' a lumouspé'mé an tutuzu' kataré-taré u nimaéndo to'tolan tumoro um pa'émanen wia si Kristus, wo um pa'émanenta éng kalutu'na. Tia'mo mawuri sumaup wana an tutuzu' kataré-taré tumoro un tumula'ula am pemangu-mangunen an zéi'kan siapa torona wo kasii an tutuzu' tumoro kura i ma'éman si Opo Empung.