Lukas 8:12 - Taaz Weru Witu u Nunuwu'en Tombulu

¹² Am watuna tatanemen méikagogo witu tembir u lalan, ung kalakoana é sé tou akazo in timalingama u Nuwu' ni Opo Empung, a méyé si tonaas né sétang an éndonama u Nuwu' ni Opo Empung im witu un até néra. Karia in téntu, ni séra én zéi'kan ma'éman makaz ni séra kangkasii én zéi'kan ipilot im witu un ukuman wana a singkéla'.

Lukas 8:12 Iomraidhean Croise

Matius 13:19

Am watuna tatanemen méikagogo witi tembir u lalan é masuat wo sé tou timalingamo u Nuwu' tumoro ung Kakolanoan ni Opo Empung, taan ni séra én zéi'kan makatulap niitu, a méyé si tonaas né sétang kimahata u Nuwu' itii witu un até néra.

Matius 13:4

Karegas sia i mahkeroz, wéwéhan am watuna tatanemen méikagogoma witu un tembir u lalan. A méyé sé tumétéwél mékimulat am watuna tatanemen itii makaz nimaapu.

Markus 4:15

Am watuna tatanemen méikagogo witi lalan é masuat wo sé tou timalingama u Nuwu' ni Opo Empung, a méyé si tonaas né sétang a rengan méndoma u Nuwu' un taré talinga nérama.

Lukas 8:11

Téntii ung kalakoan un aandéan itii: Am watuna tatanemen itii é Nuwu' ni Opo Empung.

Lukas 8:13

A méikagogo wana an tana' watu-watun é sé tou timalingama u Nuwu' ni Opo Empung a sumungkul niitu karia mahpaa-paaz taan zéi'kan nimahmut witu un até néra. Ni séra nima'éman taan zéi'kan nimauréma, i méyé um pema'wa'en, ni séra soomo ma'éman.

Lukas 8:5

“Wéwéhan si mengengeroz makimeroz am watuna tatanemen. Karegas sia i mahkeroz am watuna tatanemen, wéwéhan am watuna tatanemen méikagogoma witu un tembir u lalan, am watuna tatanemen itii ém pahkaléékana né tou wo sé tumétéwél mékimulat am watuna tatanemen itii makaz nimaapu.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.