Lukas 8:10 - Taaz Weru Witu u Nunuwu'en Tombulu

¹⁰ Ang kuan-Na, “Ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia sé tou walina én ipahtuzu' karia an aandéan. Karia in téntu, ‘zozo' ni séra mahilek, taan zéi'kan makana'u wo zozo' ni séra mahtalinga taan zéi'kan makatulap.’

Lukas 8:10 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Matius 16:17

Ang kuan ni Yesus wia si Simon, “Mahpaa-paazla ni ko Simon oki' ni Yunus pahpaan zéi'kan si tou si kimua niitu wia ni ko, taan si Ama'-Ku si witi kasendukan.

Markus 4:11

A mingkotla si Yesus, “Ni kamu éng kinuaanoma u méikawunipé' tumoro ung kakolanoan ni Opo Empung. Taan im wia sé tou walina, ém pahtuzu'an karia un aandéan,

Markus 4:12

wo mamuali u méipantik witu um Pinantik Lenas in téntii: ‘Zozo' séra i mahilek, taan ni séra zéi'kan makana'u, zozo' séra i mahtalinga, taan ni séra zéi'kan makatulap, wo séra zéi'kan tumula'u a singkéla' wo ampungan.’ ”

Yohanes 12:40

“Ni Sia é nimanguno um weren néra nimaletok wo un até néra nimaketéh, wo zozo' ni séra wéwéhan weren taan ni séra én zéi'kan makailek wo ung genang néra én zéi'kan makatulap, a séra méyé wia ni Aku wo séra lé'oseng-Ku.”

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

1 Korintus 12:11

Péléng an tatambér itii é méiwéhé ni Roh Lenas. Si Roh Lenas itii én esa uman zéi'kan siapa walina. A méitambér wia si esa wo si esa é nimahwali-walinaan mengiit ung kapaaz ni Roh Lenas.

Kolose 2:2

Ni aku nimangun un téntu wo un até néra én toro maenté' wo mahesa-esaan pahpaan i mahraa-raatéan. Karia in téntu, ni séra péléng én uli-ulit makatulap wo totoz mata'ula un im puuna zéi'kampé' méipapata'u ni Opo Empung. Un zéi'kampé' méipapata'u itii é si Kristus in esa.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”