Lukas 7:8 - Taaz Weru Witu u Nunuwu'en Tombulu

⁸ Pahpaan ni aku kangkasii ém wéwéhan si tonaasku wo wéwéhan kasii sé suraro pahperéntangku. Sa ni aku kumuala wia si esaané im wia sé suraroku in téntii, ‘Mangémo!’ ni sia é mangé, wo wia si esa kasii, ‘Méyé wia'i!’ ni sia é méyé. Kaapa wia si ataku, ‘Paayangena ung kenu!’ ni sia é maayang niitu.”

Lukas 7:8 Iomraidhean Croise

Lukas 7:7

Niitumo, ni aku én zéi'kan nimangé wia si Tuang, pahpaan ni aku én zéi'kan wangun mahilekan karia ni Tuang. Taan numuwu'moma, si ataku itii é malé'os.

Lukas 7:9

In timalingamé u méikuamé ni tonaas né suraro itii, si Yesus é mengusi-ngusingsing pahpaan um pa'émanen ni tonaas né suraro itii én totoz wangko'. A si Yesus sumarula wia sé tou lakez sé kimiité ni Sia, ang kuan-Na, “Ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu!”

Kisah Rasul-rasul 23:17

A si Paulus tumawahmé si esaané im wia sé tonaas né sana atus suraro ang kumua wia ni sia, “Ipahwalima si tarétumou kenu wia si tonaas niou, pahpaan wéwéhan u léwo'zéi' maikua ni tarétumou kenu wia ni sia.”

Kisah Rasul-rasul 23:23

Kumawusa niitu, si tonaas né sana riwu suraro tumawahmé sé zua tonaas né sana atus suraro ang kumua, “Ipekiimekla sé zuana atus suraro wo sé pituna pulu' suraro menaké kawalo wo sé zuana atus suraro mahali-ali am wengkou, im wengi kenu im woo jam kasiou i mangé witi Kaisarea.

Kisah Rasul-rasul 23:26

“U sigi'ku, Klaudius Lisias wia si gubernur Feliks pahsigi'engku.

Kisah Rasul-rasul 23:31

Kumawusa niitu, sé suraro itii é nimangunla tanu u méiperénta ni tonaas néra. Im wengi itiikan, si Paulus méipahwali nérama witi Antipatris.

Kisah Rasul-rasul 24:23

An iatuma ni gubernur si tonaas né sana atus suraro in zéi'kan toro milot si Paulus, taan ikenus umana. Wo kasii zéi'kan toro mahséro' sé kakaria ni Paulus i mengangalimé am pemandungenna.

Kisah Rasul-rasul 25:26

Taan zéi'kampé' siapa un toro ipantikuma in iwéhé wia si Kaisar tumoro si tou kenu. Pahpaano niitu, si tou kenu é méipahwalikumé wia'i in isaru wia ni kamu péléng wo un ipahpuu-puuna ém wia si kolano Agripa. Wo sa simapetola i nimahtata'ula wia ni sia, ni aku ém wéwéhan un ipantika in iwéhé wia si Kaisar.

Kolose 3:22

É kamu sé ata, mahtali-talingala wia sé tuang niou im wia ung kaayahan im wana péléng am péleng, tia' kamu mapailek i mahtali-talinga witu u sinaru néra uman i mangun ni séra mahpaa-paaz, taan mahtali-talingala wia ni séra karia ung genang lé'os pahpaan i maindé' si Mahpiara.