Lukas 7:6 - Taaz Weru Witu u Nunuwu'en Tombulu

⁶ A si Yesus mangé mahwali karia néra. I ni séra mahrétémoma um walé ni tonaas né suraro itii, sé kakaria ni tonaas né suraro itii é méiatunamé i mékumua un téntii wia si Yesus, “Tuang, tia'mo melia-liasa i méyé witi waléku, pahpaan ni aku én zéi'kan wangun i sumungkul si Tuang witi waléku.

Lukas 7:6 Iomraidhean Croise

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Markus 5:24

A si Yesus mangé karia ni Yairus. Totoz lakez sé tou mahkiité ni Sia wo mahsésé'sé'an witu u rété-Na.

Lukas 5:8

I si Simon Petrus nimilekla u nimamuali itii a sia kumuruzla witu u sinaru ni Yesus ang kuana, “Tuang, itula'umoma aku pahpaan ni aku kenu én tou mahsingkéla'.”

Lukas 7:4

Ni séra niméyé wia si Yesus an totoz mekitulung wia ni Sia i sumawang si tonaas itii. Kuan néra wia si Yesus, “Tuang, si tonaas né suraro itii ém wangun i sawangan ni Tuang,

Lukas 7:5

pahpaan ni sia é rumaraaté ni kita in tou Yahudi wo kasii ni sia é simawango ni kita i rimendai um walé peraragésanta.”

Lukas 7:7

Niitumo, ni aku én zéi'kan nimangé wia si Tuang, pahpaan ni aku én zéi'kan wangun mahilekan karia ni Tuang. Taan numuwu'moma, si ataku itii é malé'os.

Lukas 8:49

Karegas si Yesus i mahnuwu', méyé si tou si witi walé ni Yairus i mékumua wia si Yairus, “Si kooki'mu é nimatémo, niitumo ni ko én tia'mo mahraung si Méster!”

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Yakobus 4:10

Irorosla un tou niou witu u sinaru ni Mahpiara wo ni kamu irakék-Na.

Yakobus 4:6

Taan ung kamang méitambér-Napé' um wangko' taan niana péléng. Niitumo, witu um Pinantik Lenas é méipantik in téntii, “Si Opo Empung é makahkoro' wo sé tou loozan, taan rumaraaté sé tou roros até.”