Lukas 7:39 - Taaz Weru Witu u Nunuwu'en Tombulu

³⁹ I niileka ni tou Farisi si kimua si Yesus a nimamuali itii, witu ung genangna ni sia é mahkua, “Sa Sia ulit nabi, tantumo éng kata'uan-Na am pemangu-mangunen ni wéwéné si timion wia ni Sia. Kata'uan-Na si wéwéné kenu ém wéwéné sangaya.”

Lukas 7:39 Iomraidhean Croise

Matius 20:16

Ang kuan kasii ni Yesus, “Téntu kangkasii si tou ipahmuri-muri é maéndo ipahpuu-puuna wo si ipahpuu-puuna é maéndo ipahmuri-muri.”

Matius 21:11

A sé tou lakez itii mingkotla, “Si Kenumo si Nabi Yesus si witi Nazaret tana' Galilea a méyé.”

Markus 7:21

pahpaan im witu un até né tou mahondolé péléng ang genang léwo', a sinéro' im pahmualin né zéi'kampé' kimawéng, a mahremu', a mahwunu' tou,

Lukas 12:17

A si tou itii megena-genang in téntii, ‘Kuramo um wangunengku, am pahupu'en wana an umaku én zéi'mo siapa lé'osan.’

Lukas 15:2

Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”

Lukas 16:3

Witu ung genangna, ni sia é mahkua, ‘Ni aku é zéi'eno ni tuangku i melélé'os an zoitna. Apa un totoz wangunengku in tarékan? Mamahi', ni aku én zéi'kan makawawa. Mamengangaléi, ni aku é maizang.

Lukas 18:4

Ing kataré-taré si menonotoz mahsanaweka itii é soo sumawang si wéwéné mahesa-esamokan itii. Taan ing kamurian si menonotoz mahsanaweka itii éng gimenangkala in téntii: ‘Zozo' ni aku zéi'kan maindé' si Opo Empung wo zéi'kan mahsigi' sé tou walina,

Lukas 3:8

Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’

Lukas 7:16

Péléng sé tou witu é maindé' a mahsigi' wo mahlooz si Opo Empung. Ni séra é mahkua, “Si Opo Empung é nimatumomé si nabi wangko' i mémahwali-wali kariata! Si Opo Empung é niméyémo i mésumawang sé tou-Na!”

Lukas 7:37

Witu um wanua tua'na itii ém wéwéhan si wéwéné pahkua-kua i mahsingkéla'. Kinatalingaala ni wéwéné itii i si Yesus é mahkan witi walé ni tou Farisi. A méyé witu si wéwéné itii, mahali-ali u lana mahwou tariis u méitahu' witu um wotel pualam,

Lukas 7:38

a sia rumendaila witu muri, rété un a'é ni Yesus. Ni sia é mahamé' wo u lué'na é mahtihisa witu un a'é ni Yesus, am pahpéhosenama karia um wuukna wo niitu maperama. Tumondong niitu pahsiomenna un a'é ni Yesus, am wuwu'annama karia u lana mahwou tariis.

Lukas 7:40

Taan kuan ni Yesus wia si Simon, “Simon, wéwéhan un ipahkukuaku wia ni ko.” A mingkoté si Simon, “Méster, ikuamomé.”

Yohanes 4:19

Kuan ni wéwéné itii wia ni Sia, “Taré kata'uangkula si Tuang é nabi.

Yohanes 7:12

Lakez sé tou mahkekewitan tumoro ni Sia. Wéwéhan sé mahkua: “Ni Sia én tou lé'os.” Wéwéhan kasii sé mahkua: “Zéi'kan, ni Sia é mahlululu uman sé tou lakez.”

Yohanes 9:24

An tawahen néramé sumaup si letok woan itii a mahkua wia ni sia, “Ikuamé an ulit witu u sinaru ni Opo Empung, kata'uan nai si tou itii én tou mahsingkéla'.”