Lukas 7:34 - Taaz Weru Witu u Nunuwu'en Tombulu

³⁴ Si Oki' ni Tou niméyé, ni Sia mahkan wo mahelep wo ni kamu é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’

Lukas 7:34 Iomraidhean Croise

Matius 11:19

In tarékan si Oki' ni Tou é niméyé, ni Sia é mahkan wo mahelep wo ni séra é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’ Taan ung katulapan ni Opo Empung én ikatuzu'mé im wana am pahlé'osen né tou mahkiit ni Sia.”

Matius 5:46

Sa kamu rumaraaté uman sé tou rumaraaté ni kamu, apa u méikaawesé wia ni kamu? Pahpaan maan sé menanagi am pajak kangkasii é mahwangun an téntu.

Matius 9:11

I sé sana réwok tou Farisi nimilekla niitu, ang kuan néra wia sé pahtuzu'en ni Yesus, “Kaa si Méster niou é mahkan karia né menanagi am pajak wo né tou mahsingkéla'?”

Lukas 11:37

I si Yesus nimakatuzu'mola, a si tou si wia sé sana réwok tou Farisi tumawahla ni Sia ing kuman witi walé ni tou itii. Niitumo, si Yesus nimangé witi walé ni tou itii, a rumumez ing kuman.

Lukas 14:1

In endo Sabat, si Yesus kinua ni esaané wia sé tonaas né sana réwok tou Farisi ing kuman witi waléna. Péléng sé tou witu én totoz mena'u-na'u péléng am pahwangunen ni Yesus.

Lukas 15:2

Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”

Lukas 19:7

Nimilek niitu, péléng sé tou é menembu-nembut wo mahkua, “Ni Sia mamento' witu um walé ni tou memua-muali a singkéla'.”

Lukas 5:29

Tumondong niitu, a si Lewi mangunla um pésta selah witi waléna, pahpaan si Yesus. Lakez sé menanagi am pajak wo sé tou walina kiman mahwali-wali karia ni Yesus.

Lukas 7:33

Ni kamu én tanu sé koki' itii. Pahpaan si Yohanes Menanarani i niméyé én zéi'kan mahkan roti wo zéi'kan mahelep anggor, taan ni kamu é mahkua, ‘Ni sia é sinelazan ni sétang.’

Lukas 7:35

Taan ung katulapan ni Opo Empung én toro ileken wana am pemangu-mangunen néra.”

Lukas 7:36

Si tou wia sé sana réwok tou Farisi, si makangaran Simon, kimua si Yesus i mékuman kariana. Si Yesus niméyé witi walé ni tou Farisi itii, a séra rumumezla ang kuman mahwali-wali.

Yohanes 12:2

Im witu si Yesus méiimek néra kuman im wengi wo si Marta si mahselewir ni séra. Si Lazarus én esaané im wia sé rimumez mahkan karia ni Yesus.

Yohanes 2:2

Si Yesus wo sé pahtuzu'en-Na kangkasii éng kinua i mangé witi pésta kawéng itii.