Lukas 7:30 - Taaz Weru Witu u Nunuwu'en Tombulu

³⁰ Taan sé wia sé sana réwok tou Farisi wo sé tou tulap un Torat é soo ung ginenang ni Opo Empung witu ung katou-touan néra, pahpaan ni séra é soo i saranin ni Yohanes.

Lukas 7:30 Iomraidhean Croise

Matius 22:35

Wéwéhan si esaané im wia ni séra, si tou tulap un Torat mema'wa' si Yesus. Ni sia é meligau,

Lukas 13:34

É tou Yerusalem, é tou Yerusalem! Ni kamu sé nimunu' sé nabi wo nimahwatumé sé tou méiatu ni Opo Empung i mangé wia ni kamu. Makalakezo ni Aku lumelo i ruméwok ni kamu witu u rété-Ku, tanu si makawali-wali i ruméwok sé sisina witu un tétéwélna, taan ni kamu é soo!

Lukas 20:6

Taan sa kuantama, ‘Wia sé tou a méyé, péléng sé tou é merit ni kita karia am watu, pahpaan totoz pa'émanen néra i si Yohanes é nabi.’ ”

Lukas 7:31

A si Yesus kumua kasii, “Karia un apa iandé-Kuma sé tou in tarékan? Pasuaten wo un apa séra?

Kisah Rasul-rasul 20:27

Pahpaan ni aku én zéi'kan kawisa wo zéi'kan mahwoka' péléng ang ginenang ni Opo Empung wia ni kamu.

Roma 10:21

Taan tumoro sé tou Israel si nabi Yesaya éng kimua, “Sana endo ni Aku nimayo u lengen-Ku wia sé tahsasana wanua sé zéi'kan mahtali-talinga wo kimawal.”

2 Korintus 6:1

Ni kai éng kapaayang ni Opo Empung, niitumo ni kai sumésama wia ni kamu, tia' ung kamang méitambér ni Opo Empung ung kinailekan niouo én zéi'kan siapa torona.

Galatia 2:21

Ni aku én zéi'kan kumua soo im wana ang kamang méitambér ni Opo Empung. Pahpaan sa wéwéhan si tou niéndo ulit pahpaan mahkiit un ukum Torat, ung kalakoan si Kristus nimaté én zéi'kan siapa torona.

Efesus 1:11

Si Opo Empung nimangun péléng am péléng mengiit um paaz-Na wo un tinotoz-Namo in esa. Rengané ung kaayahan zéi'kampé' winangun, ni Sia én timotozo ni kita sé kapaaz-Na i maéndo tou-Na pahpaan nimaesa karia ni Kristus.