Lukas 7:29 - Taaz Weru Witu u Nunuwu'en Tombulu

²⁹ Péléng sé tou timalinga a méipahkua ni Yesus wo karia né menanagi am pajak é mahkua i si Opo Empung én ulit. Pahpaan sé tou itii é sinaranimola ni Yohanes.

Lukas 7:29 Iomraidhean Croise

Matius 5:46

Sa kamu rumaraaté uman sé tou rumaraaté ni kamu, apa u méikaawesé wia ni kamu? Pahpaan maan sé menanagi am pajak kangkasii é mahwangun an téntu.

Lukas 20:6

Taan sa kuantama, ‘Wia sé tou a méyé, péléng sé tou é merit ni kita karia am watu, pahpaan totoz pa'émanen néra i si Yohanes é nabi.’ ”

Lukas 3:12

Sé menanagi am pajak kasii é niméyé i mekisarani a meligau wia ni sia, “Méster, apa u léwo'zéi' im wangunen nai?”

Lukas 7:28

Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.”

Lukas 7:35

Taan ung katulapan ni Opo Empung én toro ileken wana am pemangu-mangunen néra.”

Kisah Rasul-rasul 18:25

Ni sia én tinuzu'mo tumoro si Yesus Mahpiara. Ni sia ém wuaya i mahnuwu' wo totoz mahterang i mahtuzu' tumoro si Yesus. Taan zozo'pé' in téntu, ung kata'uanna én akaz uman u sarani ni Yohanes Menanarani.

Kisah Rasul-rasul 19:3

A si Paulus lumigaula sumaup wia ni séra, “Sa téntu, karia u sasarani ni séi ni kamu i sinarani?” A séra mingkotla, “Ni kai i sinarani éng karia u sasarani ni Yohanes Menanarani.”

Roma 10:3

Ni séra én zéi'kan makatulap kura si Opo Empung i méndo ulit sé tou. Wo ni séra é mahtututu' menéro u lalan néra in esa i maéndo ulit witu u sinaru-Na. Niitumo ni séra é soo ing kumiit u lalan kura si Opo Empung i méndo ulit sé tou.

Wahyu 15:3

Wo ni séra é mahkantar ung kakantaren ni Musa, si ata ni Opo Empung wo kasii ung kakantaren ni Anak ni Domba, u mahkuamé in téntii, “Wangko' wo zéi'kan kakuaan péléng am pinaayang-Mu, o Mahpiara, Opo Empung, Si Totoz Mahkawasa! Péléng am winangun-Mu én zéi'kan mahsanaweka wo ulit, o Kolano péléng né tahsasana wanua!

Wahyu 16:5

Talingangkumé si malaekat si mahkawasa wana an zano itii kimuamé, “Ni Ko én zéi'kan mahsanaweka, ni Ko ém wia in tarékan wo wiamo rengan im puuna, ni Ko é lenas, pahpaan ni Ko é niméhémomé un ukuman kenu.