Lukas 7:28 - Taaz Weru Witu u Nunuwu'en Tombulu

²⁸ Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.”

Lukas 7:28 Iomraidhean Croise

Matius 11:11

Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.

Matius 3:1

In toro niitu, wéwéhan si tou makangaran Yohanes Menanarani. Ni sia nimangé witi kapelasan witi Yudea a mahwoka' wia sé tou,

Lukas 3:16

A mingkotla si Yohanes wia sé tou lakez itii, “Ni aku é mahsarani ni kamu karia un zano, taan ni Sia si méyé, ung kawasa-Na é lumouspé'mé ung kawasaku. Maan i mowar uman un tali sapatu-Na ni aku én zéi'kan wangun. Ni Sia é sumarani ni kamu karia si Roh Lenas wo un api.

Lukas 7:27

Pahpaan tumoro ni sia, méipantik witu um Pinantik Lenas, in téntii, ‘Ilekena, ni Aku é nimatuma si aatu-Ku i mapuunama wia ni Ko. Ni sia é mamimek u lalan lampangan-Nu witu u sinaru-Mu.’

Lukas 7:29

Péléng sé tou timalinga a méipahkua ni Yesus wo karia né menanagi am pajak é mahkua i si Opo Empung én ulit. Pahpaan sé tou itii é sinaranimola ni Yohanes.

Lukas 9:48

ang kuan-Na wia sé pahtuzu'en-Na, “Séi uman si simungkul si koki' tanu si kenu pahpaan ma'éman wia ni Aku, ni sia é simungkul ni Aku. Wo séi uman si simungkul ni Aku, ni sia é simungkul si Opo Empung si nimatumé ni Aku. Séi si zéi'kan ipahréké-rékén im wia ni kamu, ni siamo si totoz ipahpuu-puuna.”