Lukas 7:23 - Taaz Weru Witu u Nunuwu'en Tombulu

²³ A si Yesus kumua kasii, “Mahpaa-paazola sé tou simungkul ni Aku.”

Lukas 7:23 Iomraidhean Croise

Matius 11:6

Mahpaa-paazola sé tou simungkul ni Aku.”

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Lukas 7:22

A séra wingkotela ni Yesus, “Mangémo wo maikuala wia si Yohanes an tinalinga wo a niilek niou: sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé tou nimatémo é méitoumomé sumaup, wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.”

Lukas 7:24

I nimawurimoma sé pahtuzu'en ni Yohanes, a si Yesus rengan mahnuwu' wia sé tou lakez witu tumoro si Yohanes. Kuan-Na, “Makumura kamu im witi kapelasan? Apa ni kamu mangé wana i mamilek si tou mahzua-zua genang, tanumokan ang kuhun mengogé-ngogé mahkii-kiit uman u reges?

1 Korintus 2:14

Taan si tou zéi'kan siapa Roh ni Opo Empung é soo tumalinga an ipahtuzu' ni Roh ni Opo Empung, pahpaan niitu ém pahkuana ing kalemouan. An ipahkua ni Roh ni Opo Empung én zéi'kan kata'uanna, niitu é makata'uannamokan sa si Roh ni Opo Empung sumawang ni sia i mata'u niitu.