Lukas 7:22 - Taaz Weru Witu u Nunuwu'en Tombulu

²² A séra wingkotela ni Yesus, “Mangémo wo maikuala wia si Yohanes an tinalinga wo a niilek niou: sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé tou nimatémo é méitoumomé sumaup, wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.”

Lukas 7:22 Iomraidhean Croise

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Matius 21:14

A méyé sé tou letok wo sé tou kénto' wia si Yesus witi lésaz um Walé ni Opo Empung, a séra lé'osen-Nala.

Lukas 4:18

“Si Roh ni Opo Empung ém wia ni Aku, pahpaan ni Sia si timotoz ni Aku, i mahwoka' u Nuwu' Lé'os wia sé tou zéi'kan siapa apa; wo ni Aku é méiatu-Na

Lukas 7:21

In toro niitu, lakez sé tou liné'os ni Yesus im wana a saki wo an zézéha néra wo sé sétang simelaz wia sé tou é méiwoho-Na wo sé tou letok ém winangun-Na in toromo mahilek.

Lukas 7:23

A si Yesus kumua kasii, “Mahpaa-paazola sé tou simungkul ni Aku.”

Yohanes 1:46

Si Natanael kimuala wia si Filipus, “Amo kahuman im wéwéhan um wangun witi Nazaret a méyé?” A si Filipus kumuala wia ni sia, “Méyémo wo méileken!”

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Kisah Rasul-rasul 8:7

Pahpaan im wia sé tou lakez sé sinelazan é mahondolé sé sétang karia i mengéré-ngérét. Wo kasii lakez sé lailai wo sé kénto' é liné'osnama.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?