Lukas 7:21 - Taaz Weru Witu u Nunuwu'en Tombulu

²¹ In toro niitu, lakez sé tou liné'os ni Yesus im wana a saki wo an zézéha néra wo sé sétang simelaz wia sé tou é méiwoho-Na wo sé tou letok ém winangun-Na in toromo mahilek.

Lukas 7:21 Iomraidhean Croise

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Markus 3:10

Pahpaan lakezo sé tou liné'os-Na, niitumo péléng sé tou saki é mahsésé'sé'an i mahtition wia ni Sia.

Markus 5:29

Kaitiona ni wéwéné itii ung karai tonton ni Yesus, in toro niitukan a mento'la un zaha' mahondol wia ni sia wo un touna ém pahpendanenna i lé'oso.

Markus 5:34

Ang kuan-Na wia si wéwéné itii, “É oki'-Ku, um pa'émanennu u limé'os ni ko. Mangémo karia ung kaluasan witu un até, ni ko én uli-ulit lé'oso!”

Lukas 7:20

Ikaayola sé zua tou itii wia si Yesus, a séra kumuala, “Ni kai é méiatumé ni Yohanes Menanarani i mélumigau wia si Ama' in téntii, ‘Ama', apa ni Ko si méitaaz ni Opo Empung i méyé, kaapa wéwéhan tou walina si totoz in ento'en nai?’ ”

Ibrani 12:6

Pahpaan sé tou ikararaaté ni Opo Empung ém pahkaupi'an-Na, wo sé tou niéndo-Na in oki'-Na ém pahkakoro'an-Na.”