Lukas 7:14 - Taaz Weru Witu u Nunuwu'en Tombulu

¹⁴ Tumondongé niitu, si Yesus rumétéla um winuléngan si nimaté, a Sia tumionla witu um wuwuléngan itii. Sé nimasaan um wuwuléngan itii é rengan nimento'la. Ang kuan ni Yesus, “É tarétumou, ikua-Kuma wia ni ko, tumoozomé!”

Lukas 7:14 Iomraidhean Croise

Markus 5:41

An tionala ni Yesus u lengen ni kooki' itii, a Sia numuwu'ma, “Talita kum” ung kalakoana, “É kooki', ikua-Kuma wia ni ko, tumoozomé!”

Lukas 7:13

I si Yesus nimileka si wéwéné itii, mawiamé u raraatéan-Na. Ang kuan-Na, “Ina', tia'mo mahamé'!”

Lukas 7:15

Si tarétumou nimatémo itii tumoozé, a sia rumumezla, a mahnuwu'. A sia iwéhéla ni Yesus wia si ina'na.

Lukas 7:17

An ikawoka'ma u sirita tumoro si Yesus witi Yudea wo wana an tampa walina.

Yohanes 11:25

Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo.

Yohanes 5:21

Pahpaan tanu si Ama' én tumou sumaup sé tou nimatémo wo méhé wia ni séra ung katou-touan, téntu kangkasii si Oki' é méhé ung katou-touan wia si séi uman si kapaaz-Na.

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Roma 4:17

Tanu u méikua ni Opo Empung u méipantik witu um Pinantik Lenas, “Ni ko én tinotoz i maéndo ama' né tahsasana wanua lakez.” Ni sia én ama'ta im witu u sinaru ni Opo Empung. Un taaz itii é méiwéhéla ni Opo Empung wia si Abraham wo totoz pa'émanenna un taaz ni Opo Empung, si timou sumaup sé nimaté. Ni Sia kasii si numuwu' umana é mangun an zéi'kan siapa é mawia.

Efesus 5:12

Pahpaan, zozo' in inuwu' umana am pahwangunen néra an ipahwuni-wuni itii éng kaizangnokané.