Lukas 7:13 - Taaz Weru Witu u Nunuwu'en Tombulu

¹³ I si Yesus nimileka si wéwéné itii, mawiamé u raraatéan-Na. Ang kuan-Na, “Ina', tia'mo mahamé'!”

Lukas 7:13 Iomraidhean Croise

Markus 8:2

“Iraraaté-Kumo sé tou lakez kenu. Pahpaan teluna endomo séra i mengii-ngiit ni Aku wo ni séra én zéi'mo siapa kanen.

Lukas 10:1

Tumondong niitu, si Yesus niméléng sé pituna pulu' tou walina sé mahkiit ni Sia. Ni séra é méiatu tumahzuzua mapuuna mangé wana am wanua tua'na wo wana an tampa angéan-Na.

Lukas 11:1

I sana endo, si Yesus mengaléi. Kumawusa ni Sia i mengaléi, a méyé si esaané wia sé pahtuzu'en-Na, ang kumuala, “Tuang, tuzu'ené kai kura i mengaléi, tanu a méipahtuzu' ni Yohanes wia sé pahtuzu'enna.”

Lukas 11:39

Taan kuan ni Tuang wia ni sia, “Ni kamu i sana réwok tou Farisi é mahweresi u liklikna am pengengelepan wo ang kakanan niou, taan um witu un untep un até niou ém wuta a léwo'an wo an zéi'kan wangun.

Lukas 12:42

Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Lukas 13:15

Taan kuan ni Yesus, “Ni kamu én tou mahgau-gau lé'os, witu un endo Sabat sé sapi wo sé keledai niou én ipahpilot niou im witu un tampa néra wo maipapaelep niou.

Lukas 17:5

Ang kuan né aatu-Na wia si Tuang, “Enté'en ndootuumé um pa'émanen nai!”

Lukas 17:6

A si Tuang mingkotla, “Sa ni kamu wéwéhan um pa'émanen tanu um watuna tatanemen totoz rintek, ni kamu toro kumua ung kai ara kenu, ‘masawuté wo maikatanemé witi tasik.’ Ung kai ara itii éng kumiit u méikua nioua.”

Lukas 18:6

Ang kuan ni Yesus, “Wéhanla genang a méikuama ni menonotoz mahsanaweka itii!

Lukas 19:8

Witi waléna, si Zakheus rumendaié ang kumua wia si Yesus, “Tuang, sana pahzua a sangkumku én iwéhéku wia sé tou zéi'kan siapa apa wo sa wéwéhan si tinowoangku, niitu én iwuriku makaepaté niitu.”

Lukas 22:61

A si Yesus luméngéma wia si Petrus. Ang kagenangala ni Petrus u méikua ni Yesus wia ni sia, “Puunala si laka' ing kumukuk in endo kenu, nimakatelumo ni ko ing kimélong ni Aku.”

Lukas 24:3

Muntepa séra, maileken néra un awak ni Yesus si Mahpiara én zéi'mo witu.

Lukas 24:34

A séra kumua, “Totoz ulit si Yesus si Mahpiara nimatoumomé sumaup wo ni Sia é nimapaileko un tou-Na wia si Simon.”

Lukas 7:12

I ni séra merétémoma u loloangan um wanua tua'na itii, wéwéhan sé tou nimondolé witu um wanua tua'na itii memuléng si tou nimaté. Si tou nimaté itii én tuama wo ni sia uman si oki' ni wéwéné mahesa-esamokan. Lakez sé tou witu um wanua tua'na itii kimaria si ina' itii.

Lukas 7:14

Tumondongé niitu, si Yesus rumétéla um winuléngan si nimaté, a Sia tumionla witu um wuwuléngan itii. Sé nimasaan um wuwuléngan itii é rengan nimento'la. Ang kuan ni Yesus, “É tarétumou, ikua-Kuma wia ni ko, tumoozomé!”

Lukas 7:19

an tawahennala sé zua im wia sé pahtuzu'enna, an iatunama séra zua mangé wia si Yesus i malumigau téntii, “Ama', apa ni Komo si méitaaz ni Opo Empung i méyé, kaapa wéwéhan tou walina si totoz in ento'en nai?”

Lukas 8:52

Péléng sé tou é mahamé' karia i mahkérét pahpaan si kooki' nimatémo itii. Taan kuan ni Yesus, “Tia'mo mahamé'! Si kooki' itii én zéi'kan nimaté, ni sia én timekel uman.”

Yohanes 11:2

Si Maria é si wéwéné si nimuwu' u lana mahwou tariis witu un a'é ni Yesus wo nimisu' un a'é ni Yesus karia um wuukna. Lazarus si saki itii én totoz katuarina.

Yohanes 11:3

Sé wéwéné zua itii é nimatuma tou i makimuamé wia si Yesus, “Tuang, si kakaria totoz ikararaaté-Mu é saki.”

Yohanes 20:13

Kuan né malaekat itii wia ni sia, “Ina', kaa ko mahamé'?” Ang kuan ni Maria wia ni séra, “Si Tuangku é niéndomoma né tou wo zéi'kan kata'uangku wisa u zinetaan ni Sia.”

Yohanes 20:15

Ang kuan ni Yesus wia ni sia, “Ina' kaa ko mahamé'? Séi wé si pahpenéronu?” Si Maria é mahgenangla i si tou itii é si tou mahwendu un uma, ang kuana wia si tou itii, “Ama', sa si Ama' si niméndoma ni Sia, ikuamé wia ni aku wisa u zinetaanu ni Sia, wo ni aku toro méndo ni Sia.”

Yohanes 4:1

Si Yesus é nimata'umola i sé sana réwok tou Farisi én timalingamola i sé nimaéndo mahkii-kiit wo sé sinarani ni Yesus é lumouspé'mé ung kalakez né sinarani ni Yohanes Menanarani. (

Yohanes 6:23

Karegas niitu a mawitula um woopira londéi walina am witi Tiberias a méyé. Ni séra méikaayola witi rété un tampa né tou lakez ing kiman u roti tumondongla si Yesus ing kimuama u makasé.

1 Korintus 7:30

Wo sé tou mahamé' tia'mo megena-genang ang kinawalian néra i mahamé'. Sé tou mahké'ké' tia'mo megena-genang a nimangun ni séra i mahké'ké'. Sé tou wéwéhan an tineles tia'mo megena-genang sa an tineles itii én anu néra.

1 Tesalonika 4:13

Katuari-katuari, kapaaz nai ing kata'uan nioula tumoro kura sé tou nimatémo, wo un até niou zéi'kan rumara tanu sé tou walina sé zéi'kan siapa pahéré'an.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.