Lukas 6:6 - Taaz Weru Witu u Nunuwu'en Tombulu

⁶ Witu un endo Sabat walina kangkasii, si Yesus muntepa witu um walé peraragésan né Yahudi a mahtuzu'. Im witu ém wéwéhan si tou u lengenna kakan é lailai.

Lukas 6:6 Iomraidhean Croise

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Lukas 13:10

In endo Sabat si Yesus mahtuzu' witi walé peraragésan né tou Yahudi.

Lukas 14:3

A si Yesus meligau wia sé tou tulap un Torat wo wia sé sana réwok tou Farisi itii, “Mengiit an tinotoz witu um pa'émanenta, toro kaapa zéi'kan si tou saki lé'osen witu un endo Sabat?”

Lukas 4:16

A si Yesus mangé witi Nazaret um wanua-Na. Tanu ung kinanaram-Na in endo Sabat, Sia muntepa witi walé peraragésan né Yahudi a rumendaila i mahbabaca u méipantik witu um Pinantik Lenas.

Lukas 4:31

A si Yesus mangé witi Kapernaum um wanua tua'na esa witi Galilea. Sekez in endo Sabat ni Sia mahtuzu' sé tou witu um walé peraragésan né tou Yahudi.

Lukas 6:1

Witu un endo Sabat, i si Yesus wo sé pahtuzu'en-Na mahlampang witu un uma tinaneman ang gandum, sé pahtuzu'en-Na é mahupu'ma ang gandum am pahpurisi nérala karia a lengen néra ang kanen.

Lukas 6:5

Kuan ni Yesus kasii wia ni séra, “Si Oki' ni Tou ém wéwéhan ung kawasa in tumotoz un toro wangunen né tou witu un endo Sabat.”

Yohanes 5:3

Im wana a loloangan itii lakez sé tou saki kimolo': sé letok, sé kénto' wo sé lailai. [Ni séra ma'ento' un zano witu ung kolam itii i mogémé.

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.