Lukas 6:49 - Taaz Weru Witu u Nunuwu'en Tombulu

⁴⁹ Taan séi uman si mahtalinga u nuwu'-Ku taan zéi'kan mahwangun niitu, ni sia é masuat uman wo si tou rimendai um walé witu um wawo un tana' zéi'kan siapa to'tolan. I méyé u lewuh tumoromé um walé itii, um walé itii é rengan i nimarewama wo totoz maléwo-léwo'ma.”

Lukas 6:49 Iomraidhean Croise

Matius 23:3

Niitumo, pahkiitela wo pahwangunela péléng am pahtuzu' néra. Taan tia' mahkii-kiit am pahmualin néra. Pahpaan an ipahtuzu' néra wia ni kamu én zéi'kan pahmualin néra.

Matius 24:10

Wo lakez sé tou ma'éman wia si Opo Empung én tumamburi im wia ni Sia. Ni séra é mayo sé tou walina wo sé tou walina é mayo ni séra wia sé mahkawasa wo mahzi'zi-zi'zisan.

Markus 4:17

Taan u Nuwu' itii én zéi'kan totoz nimahmut witu un até néra wo zéi'kan nimauréma. Sa méyé u susa wo un zéha pahpaan u Nuwu' itii, ni séra é rengan in timamburila im wia si Opo Empung.

Lukas 12:47

Sa kata'uan ni ata ung kapaaz ni tuang, taan si zéi'kan nimimek kaapa zéi'kan nimangun ung kapaaz ni tuang, un ukuman wia si ata itii ém wutez.

Lukas 19:14

Taan sé kawanuana é soo ni sia, a séra matuma tou tumondonga i makumua, ‘Kasoo nai si tou kenu i maéndo kolano nai.’

Lukas 19:27

Tarékan, ipahwalimé witu u sinaruku péléng sé kakoro'ku sé soo ni aku i maéndo kolano néra wo wunu'ela séra witu u sinaruku!’ ”

Lukas 6:46

Ang kuan kasii ni Yesus, “Kaa kamu mahtawah ni Aku, ‘Tuang, Tuang’, taan ni kamu én zéi'kan mahwangun an ipahkua-Ku?

Lukas 6:48

Ni sia é masuat wo si tou rimendai um walé. Ni sia éng kimiarla um woso rarem an izeta'nala witu am watu a mato'tolan i rumendai um walé. I lumewuhmé wo u séwélna un zano witi so'so'an tumoromé um walé itii, um walé itii én zéi'kan mogémé, pahpaan am watu to'tolan rinendaian um walé itii én enté'.

Lukas 7:1

I si Yesus nimakanuwu'mola wia sé tou lakez itii, a Sia mangé witi Kapernaum.

Yohanes 15:2

Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.

Kisah Rasul-rasul 20:29

Totoz ing kata'uangku sa kamu itula'ukumoma, sé tou léwo' sé tanumokan sé serigala totoz léwo' é méyé witu un unez niou. Wo ni séra é mahtututu' i mékumayo' sé jamaat sé pahtéizan niou itii.

Kisah Rasul-rasul 26:11

Ni aku kangkasii sekezé é mahzézéha ni séra im wana am walé peraragésan né tou Yahudi, wo menutu' ni séra ing kumélong um pa'émanen néra. Wo karia in totoz maupi', ni aku é mahkikiit ni séra, makaz wana am wanua tua'na walina.”

1 Tesalonika 3:5

Pahpaano niitu, ni aku nimatuma si Timotius i mangé wia ni kamu, pahpaan ni aku én zéi'mo makaezen i mahtata'u um pa'émanen niou. Kaarétku én taa kamu nienouola ni tonaas né sétang makaz ni kamu zéi'mo ma'éman wia si Yesus. Sa mamuali téntu, am pinaayang nai im puuna én zéi'kan siapa torona.

2 Petrus 2:20

Pahpaan i nimata'umola si Yesus Kristus é si Mahpiarata wo si nimilot ni kita im witu un ukuman wana a singkéla', niitumo ni séra é méikapilotomé im witu u lelo léwo' un awak um wia ung kaayahan kenu. Taan sa séra ikawurila sumaup i mahkiit uman u lelo léwo' un awak um wia ung kaayahan kenu, ung katou-touan néra in tarékan é luméwo'pé'mé ung katou-touan néra im puuna in zéi'kampé' mata'u si Yesus Kristus.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.