Lukas 6:42 - Taaz Weru Witu u Nunuwu'en Tombulu

⁴² Kura ko toro kumua wia si katuarimu, ‘Wia'i, éndongkumokan un emu' witu um werenmu, taan u salawako witu um werenmu én zéi'kan kailekannu?’ É tou mahgau-gau lé'os, éndompé'la u salawako witu um werenmu, wo taré kaile-ilekannu un emu' witu um weren ni katuarimu wo niitu taré éndonnu.”

Lukas 6:42 Iomraidhean Croise

Matius 26:75

Ang kagenangala ni Petrus u méikua ni Yesus wia ni sia, “Puunala si laka' ing kumukuké, ni ko é nimakatelumola ing kimélong ni Aku.” A sia mondola a mamamé' karia in totoz rumara un até.

Matius 7:3

Kaa un emu' witu um weren ni katuarimu éng kaile-ilekannu, taan u salawako witu um werenmu én zéi'kan kailekannu?

Matius 7:4

Kura ko toro kumua wia si katuarimu, ‘Wia'i, éndongkumokan un emu' witu um werenmu,’ taan ndéén witu um werenmu ém wéwéhan u salawako?

Lukas 13:15

Taan kuan ni Yesus, “Ni kamu én tou mahgau-gau lé'os, witu un endo Sabat sé sapi wo sé keledai niou én ipahpilot niou im witu un tampa néra wo maipapaelep niou.

Lukas 22:32

Taan ni Aku é nimengaléio ni ko wo um pa'émanennu zéi'kan mazéi'. Wo sa ko mawurimomé sumaup wia ni Aku, ni ko é léwo'zéi' i menté' um pa'émanen né katuarimu.”

Lukas 6:41

Kaa un emu' witu um weren ni katuarimu éng kaile-ilekannu, taan u salawako witu um werenmu in esa én zéi'kan kailekannu?

Lukas 6:43

Kuan ni Yesus kasii, “Zéi'kan siapa kai wangun u mahwua' un zéi'kan wangun, wo kasii zéi'kan siapa kai zéi'kan wangun u mahwua' um wangun.

Kisah Rasul-rasul 13:10

ang kumua, “É oki' ni tonaas né sétang! Ni ko é mawuta-wuta a léwo'an wo an towo. Ni ko éng kakoro' ang kaulitan. Makaz sawisa u lalan terén ni Opo Empung im pahséa'mu?

Kisah Rasul-rasul 2:38

A mingkotla si Petrus wia ni séra, “Itula'umola a singkéla' niou wo iwéhémola un tou niou i saranin witu u ngaran ni Yesus Kristus wo ni kamu makailek un ampungan ni Opo Empung wana a singkéla' niou. Karia in téntu ni kamu é makailek un tatambér. Un tatambér itii é si Roh Lenas.

Kisah Rasul-rasul 8:21

Ni ko én zéi'kan siapa katoroan im wana am pahpaayangen nai. Pahpaan un atému én zéi'kan ulit im witu u sinaru ni Opo Empung.

Roma 2:1

Niitumo, séi uman ni ko, tia' mapahsasala' sé tou walina pahpaan ni ko in esa én zéi'kan siapa un toro iwingkot ing kumua i ni ko én ulit. Karia i mapahsasala' sé tou walina, ni ko kangkasii é mapahsasala' am pahwangunennu, pahpaan ni ko si mapahsasala' sé tou walina é memangu-mangun kangkasii an téntu.

2 Korintus 5:18

Péléng ang kenu ém winangun ni Opo Empung. Winangun-Na kita toro mawurian sumaup karia-Na witu um pinaayang ni Kristus. Ni kai kasii ém winéhan-Na um paayangen i mahwoka' u Nuwu' Lé'os tumoro si Yesus wia sé tou makaz séra ma'éman wo mawurian sumaup karia-Na.

2 Timutius 2:21

Sa si tou uli-ulit meresi un touna im wana a léwo', ni sia é maéndo tanu um pakakas mas am wangunen u mapaileké ung kawa'ilanan. Ni sia é linenaso, wangun im pahpakén ni tuangna wo pahpakén uman wana am paayangen wangun.

2 Petrus 1:9

Taan séi si zéi'kan mahwangun niana péléng, ni sia é nimaletok wo zéi'kan totoz tulap. Pahpaan kinaliuzannamola sa a singkéla'na im puuna é zinéi'mola ni Opo Empung.