Lukas 6:36 - Taaz Weru Witu u Nunuwu'en Tombulu

³⁶ Ni kamu é léwo'zéi' rumaraatéla sé kasuat tou, tanu si Ama' niou i rumaraaté péléng sé tou.”

Lukas 6:36 Iomraidhean Croise

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Lukas 6:35

Taan ni kamu, iraraatéla sé kakoro' niou wo mahwangunla a lé'os wia ni séra. Ipinjangla an anu niou wia ni séra wo tia' mahgenangla in iwuri néramé sumaup. Sa téntu am pahwangunen niou, ni kamu é makailek um wawaér wangko' wo ni kamu é maéndo oki' ni Opo Empung si Totoz Rakék. Pahpaan ni Sia é lé'os im wia sé tou soo mahkua u makasé wo wia sé tou léwo'.

Lukas 6:37

Ang kuan kasii ni Yesus, “Ni kamu én tia' mahtotoz ulit kaapa zéi'kan am pahwangunen né tou walina, wo kamu zéi'kan totozen ni Opo Empung wana am pinahwangun nioué. Ni kamu én tia' mapahsasala' sé tou wo ni kamu kangkasii én zéi'kan pahsasala'en ni Opo Empung. Ampungala ang kasumalaan né tou wia ni kamu, wo ang kasumalaan niou ampungan ni Opo Empung.

Efesus 4:31

Péléng a merara un até, a raranguan, an upi', a mengoro-ngoro' wo mahkua an zéi'kan ulit tumoro sé tou walina én zéi'enola im wia ni kamu, téntu kangkasii péléng a léwo'an én izou-zou' im wia ni kamu.

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.