Lukas 6:30 - Taaz Weru Witu u Nunuwu'en Tombulu

³⁰ Wéhanla péléng sé tou mahaléi wia ni kamu wo tia'mo pahaaléiennu sumaup ung kinahata ni tou wia ni kamu.

Lukas 6:30 Iomraidhean Croise

Matius 18:35

Téntumo kangkasii um wangunen ni Ama'-Ku si witi kasendukan wia ni kamu. Ni kamu si esa wo si esa én ukumen-Na sa kamu zéi'kan uli-ulit méhéla ampungan wia si katuarimu.”

Matius 5:39

Taan in tarékan ikua-Kuma wia ni kamu: Tia' pahsarun niou sé tou mahwangun a léwo' wia ni kamu. Taan sa wéwéhan si sumepala um paling niou kakan, iwéhé niou kasiila um paling kawihi i sepalenna.

Matius 6:12

wo ampungané ni kai im wana ang kasumalaan nai tanu ni kai kangkasii i niméhéla un ampungan wia sé tou nimangunla ang kasumalaan wia ni kai;

Lukas 11:41

Pahpaano niitu, am witu um pengengelepan wo am witu ung kakanan niou én iwéhéla wia sé tou zéi'kan siapa apa. Wéhanla wana an anu niou sé tou zéi'kan siapa apa. Niitumo u mangun un tou wo un até niou uli-ulit weresi.

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 18:22

Tumalingamé niitu ang kuan ni Yesus wia ni sia, “Esapé' un zéi'kampé' winangunmu: Ipakawangkérla an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Sa ko nimangunola niitu, mawurimé wia'i wo kumiitomé ni Aku.”

Lukas 6:29

Séi uman si sumepala um palingmu, iwéhé kasiila um palingmu kasaru i sepalenna. Wia si tou kumahata ung karai tontonmu, wéhan kasiila sia ung karaimu.

Lukas 6:31

Wisa ung kapaaz niou im wangunené né tou wia ni kamu, téntu kangkasii um wangunen nioula wia ni séra.

Lukas 6:38

Mahwéhéla wia sé tou walina wo ni kamu pahwéhané ni Opo Empung an totoz lakez, lumakezpé'mé a méiwéhé niou wia sé tou walina. Niitu é masuat wo si tou mahtahu' un tewi' witu u lo'lo' wo ipahgo'go' makaz ing kimuwu takaz i mahtia'mokan. Pahpaan kuramo ni kamu i mahwéhé wia sé tou walina téntu kangkasii si Opo Empung i mahwéhé wia ni kamu.”

Kisah Rasul-rasul 20:35

Im wana am péléng ni kamu ém winéhangkumoma ung kékéréan, karia i mahpaayang tanu niitu ni kita én toro sumawang sé tou susa. Ni kita é léwo'zéi' ing gumenang u méikua ni Yesus Mahpiara in téntii, ‘Si tou mahwéhépé' si mahpaa-paaz taan si tou pahwéhan.’ ”

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Efesus 4:28

Si maremu', tia'mo sia meremu-remu'pé', taan tawimo sia ma'ulitla i mahpaayang wo mahpaayang uman am wangun wo sia toro sumawang sé tou zéi'kan wutul am pemandungen néra.