Lukas 6:28 - Taaz Weru Witu u Nunuwu'en Tombulu

²⁸ Ipengaléila wia si Opo Empung ing kamangené sé tou mahtiwa' ni kamu wo ipengaléila sé tou mahmuali a léwo' wia ni kamu.

Lukas 6:28 Iomraidhean Croise

Matius 5:44

Taan in tarékan ikua-Kuma wia ni kamu: Irara- atéla sé kakoro' niou wo ipengaléila sé tou mahzézéha ni kamu.

Lukas 23:34

[A si Yesus kumua, “Ama', ampungan ndootuumé séra pahpaan zéi'kan kata'uan néra am pahmualin néra.”] A séra sumawut u lot i mahwéwéténg ung karai-Na.

Lukas 6:27

Ang kuan kasii ni Yesus, “Taan ikua-Kuma wia ni kamu sé mahtalinga ni Aku: Iraraatéla sé kakoro' niou. Mahtututu'la i mahwangun a lé'os wia sé tou mazi'zis ni kamu.

Lukas 6:35

Taan ni kamu, iraraatéla sé kakoro' niou wo mahwangunla a lé'os wia ni séra. Ipinjangla an anu niou wia ni séra wo tia' mahgenangla in iwuri néramé sumaup. Sa téntu am pahwangunen niou, ni kamu é makailek um wawaér wangko' wo ni kamu é maéndo oki' ni Opo Empung si Totoz Rakék. Pahpaan ni Sia é lé'os im wia sé tou soo mahkua u makasé wo wia sé tou léwo'.

Kisah Rasul-rasul 14:5

A méhé sé tou Yahudi wo sé tou zéi'kan Yahudi karia né tonaas néra, maesaala in zumézéha wo merit sé aatu itii karia am watu.

Kisah Rasul-rasul 7:60

A sia kumuruzla karia i mahkérét, “O Mahpiara, tia'mo pahuukumen séra, pahpaan a singkéla' nimuali néra kenu!” Makakuala niitu a sia kalekepala.

Roma 12:14

Mengaléila wia si Opo Empung ing kumamangé sé tou mahzézéha ni kamu. Pekikamangé si Opo Empung séra wo tia' mahaléi wia si Opo Empung i méhé un epa' wia ni séra.

1 Korintus 4:12

wo ni kai é mahpaayang am papaayangen wutez karia a lengen nai i mahwuwutul am pemandungen nai i mendo-endo. Zozo' ni kai ipahsalou né tou, ni kai é mahaléi wia si Opo Empung ing kumamangé ni séra; zozo' ni kai ém pahzézéhan né tou taan ni kai én ezen i mengali niitu.

Yakobus 3:10

Im witu u sumah esa é mahondolé a lolooz wo an epa'. Katuari-katuariku, ang kenu én zéi'kan toro mamuali wia ni kita.

1 Petrus 3:9

Tia' u léwo'an ém waéran niou karia u léwo'an, kaapa u sasalou karia u sasalou. Taan, ipengaléi nioula wia si Opo Empung wo séra kamangené, pahpaan ni kamu én tinawah-Na i maéndo kamang wia sé tou walina, wo karia in téntu ni kamu é makailek ung kamang.