Lukas 6:27 - Taaz Weru Witu u Nunuwu'en Tombulu

²⁷ Ang kuan kasii ni Yesus, “Taan ikua-Kuma wia ni kamu sé mahtalinga ni Aku: Iraraatéla sé kakoro' niou. Mahtututu'la i mahwangun a lé'os wia sé tou mazi'zis ni kamu.

Lukas 6:27 Iomraidhean Croise

Markus 4:24

A si Yesus kumuama sumaup, “Wéhanla genang am pahtalingan niou kenu! Kuramo kamu i mahtutulap an tinalinga niou, téntumo si Opo Empung i mangun ni kamu makatulap niitu, wo ni Sia mawes wia ni kamu u lumousé niitu makaz ni kamu uli-ulit makatulap niitu.

Lukas 23:34

[A si Yesus kumua, “Ama', ampungan ndootuumé séra pahpaan zéi'kan kata'uan néra am pahmualin néra.”] A séra sumawut u lot i mahwéwéténg ung karai-Na.

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Lukas 6:35

Taan ni kamu, iraraatéla sé kakoro' niou wo mahwangunla a lé'os wia ni séra. Ipinjangla an anu niou wia ni séra wo tia' mahgenangla in iwuri néramé sumaup. Sa téntu am pahwangunen niou, ni kamu é makailek um wawaér wangko' wo ni kamu é maéndo oki' ni Opo Empung si Totoz Rakék. Pahpaan ni Sia é lé'os im wia sé tou soo mahkua u makasé wo wia sé tou léwo'.

Lukas 8:15

A méikagogoma witu un tana' rembuz, ung kalakoana é sé tou timalingama u Nuwu' ni Opo Empung, totoz winéhan néra genang akaz nimahmut witu un até lé'os néra wo ni séra zéi'kan mazéi' i memangu-mangun u Nuwu' ni Opo Empung itii.”

Lukas 8:18

Niitumo, totoz pahwéhanla genang an tinalinga niouo. Pahpaan séi si mahtata'u u Nuwu' ni Opo Empung, ni sia é mawangunen ni Opo Empung makatulap niitu. Taan séi si soo mahtata'u u Nuwu' ni Opo Empung, makaz am pahgenangennala ing kata'uannamo ém pakaéndon.”

Lukas 8:8

Am watuna tatanemen walina é méikagogoma witu un tana' rembuz, am watuna tatanemen itii timoumé makaz i mahwua'. Am wua'na é makasana atusé.” Tumondong niitu, ang kuan ni Yesus, “Séi si wéwéhan lunteng i mahtalinga é mahtalingama lé'os!”

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 16:28

Taan si Paulus éng kiméréta wia si tonaas né menénéiz um bui itii, “Tia'mo mapahwuwunu', ni kai péléng ém wia'ipé'.”

Kisah Rasul-rasul 7:60

A sia kumuruzla karia i mahkérét, “O Mahpiara, tia'mo pahuukumen séra, pahpaan a singkéla' nimuali néra kenu!” Makakuala niitu a sia kalekepala.

Galatia 6:10

Niitumo, im wéwéhampé' un oras wia ni kita, méyémo kita mangun a lé'os wia péléng sé tou, sé ipahpuu-puuna é sé katuarita esa pa'émanen.

1 Tesalonika 5:15

Ile-ileken én taa wéwéhan sé tou mahwaér a léwo'an karia a léwo'an, taan mahtututu'la i mahwangun a lé'os si esa wo sé walina wo wia péléng sé tou.

3 Yohanes 1:11

Katuari ikararaatéku. Tia' mahkéré a léwo', taan mahkéréla a lé'os. Séi si mahwangun a lé'os, ni sia ém wia si Opo Empung a méyé. Taan séi si mahwangun a léwo', ni sia én zéi'kampé' mata'u si Opo Empung.