Lukas 6:25 - Taaz Weru Witu u Nunuwu'en Tombulu

²⁵ Ikaléwo'la ni kamu sé in tarékan ém wesuh, pahpaan ni kamu é mamaharem. Ikaléwo'la ni kamu sé in tarékan mahké'ké' pahpaan un até niou é masusa wo mamamé'.

Lukas 6:25 Iomraidhean Croise

Lukas 12:20

Taan kuan ni Opo Empung wia ni sia, ‘É ko in tou lemou! Im wengi kenukan, ung katou-touannu én éndon im wia ni ko. Séi si wéhannu péléng a rinéwokmu itii?

Lukas 13:28

In toro niitu, ni kamu é mamé' wo am waang éng karékétokan, pahpaan ni kamu mahilek si Abraham, si Ishak, si Yakub wo péléng sé nabi witi Kakolanoan ni Opo Empung, taan ni kamu é méiwoho umané, zéi'kan toro muntep.

Lukas 6:24

Taan ikaléwo'la ni kamu sé in tarékan tou wa'ilan, pahpaan ni kamu é nimahpaa-paazola witu ung kawa'ilanan niou.

Lukas 6:26

Ikaléwo'la ni kamu sa péléng sé tou é mahlooz ni kamu, pahpaan téntu kangkasii am pinahwanguné né nimaopo néra wia sé nabi towo im puuna.”

Lukas 8:53

Taan si Yesus én ipahké'ké' néra uman, pahpaan kata'uan néra si kooki' itii é nimatémo.

Efesus 5:4

Téntu kangkasii ang kukuan saparuni, an zéi'kan siapa torona kaapa an uuwaken zéi'kan mata'u un adat, pahpaan an téntu én zéi'kan wangun. Taan tawimo ni kamu kumuala u makasé wia si Opo Empung.

1 Tesalonika 5:3

Wéwéhan un orasna sé tou ing kumua in téntii, ‘Ung katou-touanta én ena' wo zéi'kan siapa ikaindé'.’ Taan kumompo'mé ni séra é mendan u meléwo' tanumokan si wéwéné mahawa-awak, si kumompo'mé é mahpendano u rumara in tumoumo si oki'na. Zozo' in esa zéi'kan siapa si tinalez.

Yakobus 4:9

Ni kamu é léwo'zéi' in uli-ulit mene'sel, tekur wo mahamé'. Ung ké'ké' niou é sawelanla un amé' wo u mahpaa-paaz niou é sawelanla un tekur.

Wahyu 3:17

Pahpaan ni kamu é mahkua in téntii: Ni kai ém wa'ilan wo nimawa'ilano, niitumo péléng am pemandungen nai ém wutulo. Taan zéi'kan kata'uan niou i ni kamu én tou totoz zézéha, totoz makararaatén, zéi'kan siapa apa, letok wo timangkol.