Lukas 6:21 - Taaz Weru Witu u Nunuwu'en Tombulu

²¹ Mahpaa-paazola, é ni kamu sé in tarékan maharem, pahpaan ni kamu ém pakawesun. Mahpaa-paazola, é ni kamu sé in tarékan mahamé', pahpaan ni kamu éng kumé'ké'.

Lukas 6:21 Iomraidhean Croise

Matius 5:4

Mahpaa-paazola sé tou mahpengasi', pahpaan un até néra é maenté'en.

Matius 5:6

Mahpaa-paazola sé maharem wo maré'o i mangun ang kapaaz ni Opo Empung, pahpaan ni séra ém pakawutulen ni Opo Empung.

Lukas 1:53

Winéhan-Namé péléng am wangun wia sé tou maharem makaz ni séra nimawesuh, wo sé tou wa'ilan é méipapawuri-Na zéi'kan siapa pinahalima.

Lukas 6:20

A si Yesus mileka wia sé pahtuzu'en-Na ang kumua, “Mahpaa-paazola, é ni kamu sé tou zéi'kan siapa apa, pahpaan ni kamumo sé makaanu ung Kakolanoan ni Opo Empung.

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Lukas 6:25

Ikaléwo'la ni kamu sé in tarékan ém wesuh, pahpaan ni kamu é mamaharem. Ikaléwo'la ni kamu sé in tarékan mahké'ké' pahpaan un até niou é masusa wo mamamé'.

Yohanes 11:35

A si Yesus mamé'.

Yohanes 4:10

Si Yesus nimingkotla, “Sa ko mata'u tumoro an tatambér ni Opo Empung wo séi si mahnuwu'ma wia ni ko im ‘Wéhanpé'mé zano elepen Aku’, tantumo ni ko é nimahaléiola wia ni Sia wo ni Sia é niméhémola wia ni ko un zano katou-touan.”

Yohanes 6:35

Kuan ni Yesus wia ni séra, “Ni Aku kenumo u roti mahwéhé ung katou-touan. Séi uman si méyé wia ni Aku én zéi'mo mahpenda-pendanla u maharem. Wo séi uman si ma'éman ni Aku én zéi'mo mahpenda-pendanla u maré'o.

1 Korintus 4:11

Makaz in endo kenu ni kai é maharem, maré'o, zéi'kan siapa karai sawelen, pahzézéhan wo wayaan uman un ento'an,

2 Korintus 11:27

Ni aku én totoz ma'ulit wo mahtututu' i mahpaayang, makalakez in zéi'kan timekel, maharem wo maré'o, makalakez ing kinaapuan kanen, wo kasii mahpendan un zaté wo zéi'kan siapa karai sawelen.

2 Korintus 12:10

Niitumo, ni aku é mahpaa-paaz zozo' un touku in zéi'kan enté', pahséro'an, wana ang kasusaan wo pahzézéhan, lakez am pengalin pahpaan mahkiit si Kristus. Pahpaan i ni aku zéi'kan enté', in toro niitumo ni aku nimaenté'.

2 Korintus 6:10

Ni kai sekezé é mahpaa-paaz zozo' i rumara un até. Ni kai én zéi'kan siapa apa, taan nimangun sé tou lakez nimawa'ilan. Ni kai ém pahileken in zéi'kan siapa apa, taan péléng am péléng ém wia ni kai.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

Wahyu 21:3

An talingangkumé u nuwu' totoz rimez kimérété im witi rurumezan ni Kolano kimuamé, “Ilekena, um pahwéha-wéhan ni Opo Empung ém witumo un unez né tou wo ni Sia é mamento' mahwali-wali karia néra. Ni séra é maéndo tou-Na, wo ni Sia é menaté-natér ni séra wo maéndo Opo Empung néra.

Wahyu 7:16

Ni séra én zéi'mo mahpendan un ahrem wo maré'o, si endo kaapa um pasu'na ni endo én zéi'mo mahzéha ni séra.